Mallikarjun Kharge : कॉंग्रेसचे अध्यक्ष मल्लिकार्जुन खर्गे (Mallikarjun Kharge) यांनी इंधन दरवाढीवरून मोदी सरकार आणि भाजपवर जोरदार टीकास्त्र सोडले. जनतेच्या कमाईची टप्प्याटप्प्याने लूट सुरू असल्याचा आरोप त्यांनी केला. पेट्रोल आणि डीझेलवर दररोज १ हजार कोटी रूपयांचा केंद्रीय कर लादूनही भाजप सरकारचे पोट भरले नाही. याआधी जागतिक बाजारातील कच्च्या इंधनांचे दर कमी होते. त्यावेळी जनतेला लाभ मिळवून देण्याऐवजी लुटण्यात आले. जेव्हा पेचप्रसंग उद्भवला; तेव्हा भाजपचे नेतृत्व निवडणुकांमध्ये व्यस्त झाले. निवडणुका संपल्यानंतर ते त्यागाचा उपदेश देऊ लागले. त्यानंतर अवघ्या ८ दिवसांत ३ वेळा पेट्रोल-डीझेल दरवाढ करण्यात आली. Mallikarjun Kharge इतर देशांच्या तुलनेत भारतातील (Mallikarjun Kharge)दर कमी असल्याचे आम्हाला सांगण्यात आले. पश्चिम आशियात युद्ध सुरू झाल्यानंतर सर्व काही ठीक असल्याचे पंतप्रधान नरेंद्र मोदी भारतीयांना सांगत राहिले. त्यावेळी इतर देश आपापल्या जनतेला दिलासा देण्यासाठी पाऊले उचलत होते. इटलीने इंधनावरील कर कमी केला. तसेच पाऊल उचलल्याने ऑस्ट्रेलियात पेट्रोल १७ रूपयांनी स्वस्त झाले. जर्मनीतही त्याच प्रमाणात दर कमी झाला. ब्रिटनने जनतेला अनुदान दिले, असे खर्गे यांनी सोशल मीडियावरील पोस्टमधून निदर्शनास आणून दिले. सध्याच्या सरकारमध्ये नेतृत्वाचा पेच आहे. भारतीयांच्या ते ध्यानात आले आहे, अशी शाब्दिक तोफही त्यांनी (Mallikarjun Kharge) डागली.
