क्वालालंपूर : भारतीय बॅडमिंटनपटू साईना नेहवाल पाठोपाठ पी.व्ही. सिंधूने देखील मलेशिया मास्टर्स बॅडमिंटन स्पर्धेच्या महिला एकेरीच्या उपांत्यपूर्व फेरीत प्रवेश केला आहे. सिंधूने जपानच्या अया ओहोरीचा पराभव केला.

PV Sindhu defeats Japan's Aya Ohori 21-10 21-15 to progress to the Malaysia Masters quarterfinals. #PVSindhu #BWF #MalaysiaMasters

— Press Trust of India (@PTI_News) January 9, 2020

जागतिक क्रमवारीत सहाव्या स्थानावर असणा-या सिंधूने स्पर्धेच्या दुस-या फेरीत अया ओहोरीचा २१-१०, २१-१५ असा पराभव करत पुढील फेरीत आगेकूच केली. अयाविरूध्दच्या लढतीत सिंधूचा हा ९ वा विजय ठरला. गेल्या मोसमात सिंधूला काही स्पर्धांमध्ये पहिल्या-दुस-या फेरीतूनच गाशा गुंडाळावा लागला होता, त्यामुळे नव्या मोसमात सा-यांचे लक्ष तिच्या कामगिरीवर आहे.

दरम्यान, पहिल्या फेरीत सिंधूने रशियाच्या एव्हगेनिया कोसेत्स्कायावर २१-१५, २१-१३ अशी ३५ मिनिटांत मात करून विजयी सलामी दिली होती.