Malaysia News : मलेशियामध्ये (Malaysia News) आजपासून 16 वर्षांखालील मुलांना सोशल मीडियाचा वापर करण्यावर बंदी घालण्यात आली आहे.

या बंदीच्या आदेशांची अंमलबजावणी (Malaysia News)  करण्यासाठी सोशल मीडियाच्या प्लॅटफॉर्मना वापरकर्त्याचे वय पडताळणी करण्याचे बंधन घालण्यात आले आहे. वय पडताळणी प्रणालीद्वारे 16 वर्षांखालील वयाच्या मुलांना सोशल मीडियावर अकाऊंट करण्यास प्रतिबंधित करावे लागणार आहे.

या नियमांमुळे देशभरातील ८० लाख वापरकर्त्यांना फेसबुक, इन्स्टाग्राम, टिकटॉक आणि यूट्यूबसारख्या सोशल मीडियाचा वापर करता येणार नाही. वयाची पडताळणी न करणाऱ्या सोशल मीडिया प्लॅटफऑर्मवर १० दशलक्ष रिंगिट (२.५ दशलक्ष डॉलर) इतकी दंडात्मक कारवाई केली जाणार आहे. पण जर मुलांनी या नियमातून पळवाट काढली, तर मुलांच्या पालकांवर दंड आकारला जाणार नाही.

या उपाययोजनांचा उद्देश (Malaysia News)  मुलांना हानिकारक सामग्री, सायबरबुलिंग आणि अतिवापरास प्रोत्साहन देणाऱ्या प्रलोभनांपासून संरक्षण देणे हा आहे, असे सरकारने म्हटले आहे.

ऑस्ट्रेलिया, ब्राझील आणि इंडोनेशियासह इतर देशांनी मुलांच्या सोशल मीडिया वापरासाठी वयावर आधारित निर्बंध लागू केले आहेत. ब्रिटन, फ्रान्स, स्पेन, डेन्मार्क, थायलंड आणि दक्षिण कोरिया यांसारखे देशदेखील अशाच प्रकारच्या उपाय योजनांचा अभ्यास करत आहेत.