Malaika Arora | बॉलीवूड अभिनेत्री मलायका अरोरा ही तिच्या प्रोफेशनल आणि पर्सनल आयुष्यामुळे कायम चर्चेत असते. अरबाज खानसोबतचा घटस्फोट, अर्जुनसोबतचं अफेअर-ब्रेकअप किंवा कपड्यांवरुन मलायकाला अनेकदा ट्रोलिंगचा सामना करावा लागला आहे. अलीकडेच तिला गाण्यातील डान्स स्टेपवरुन देखील ट्रोल करण्यात आले होते. मात्र सतत होणाऱ्या या ट्रोलिंगवर मलायकाने प्रतिक्रिया दिली आहे. एका मुलाखतीत मलायका म्हणाली, “ट्रोल करणारे नेहमी ट्रोल करतच राहणार आहेत. पण मी स्वत:ला त्या विषारीपणात सामील करू शकत नाही. मी माझ्या सत्यावर लक्ष केंद्रीत करायला शिकले आहे. त्यामुळे नकारात्मकतेला मी माझ्यावर परिणाम करू देत नाही. माझ्यासाठी माझं कुटुंब, मित्रमैत्रिणी आणि शांत मन अधिक महत्त्वाचं आहे.” पुढे तिने अभिनयातून नाही तर डान्स परफॉर्मन्समधून कामाचं अधिक समाधान मिळत असल्याचे सांगितले. “मला अभिनयाने कधीच ते समाधान दिलं नाही, जे मला डान्स परफॉर्म करून मिळालं. मला माहित आहे की आयटम नंबरचा लेबल खूपच मर्यादित वाटतो. पण आज मी अनेक कलाकारांना हे एक आव्हान म्हणून स्वीकारताना पाहते. आता परफॉर्म्न्स, संकल्पना आणि कथेत ते गाणं कसं फिट बसतं यावर अधिक लक्ष केंद्रीत केलं जातं. आधी त्याकडे फक्त व्हिज्युअ ल ट्रिट म्हणून पाहिलं जायचं. अशा गाण्यांना बनवायला जी मेहनत लागते, ते पाहून मला त्याचा अधिक आदर वाटू लागला आहे.” Malaika Arora | मलायकाला ‘छैय्या छैय्या..’ गाण्यामुळे विशेष लोकप्रियता मिळाली. याशिवाय तिचे ‘माही वे’, ‘होठ रसिलें’, ‘मुन्नी बदनाम हुईं’, ‘अनारकली डिस्को चली’ यांसारखे आयटम साँग्सही चांगलेच गाजले. Malaika Arora | हेही वाचा: ‘आश्रम’फेम अभिनेत्रीने बॅाबीचं तोंडभरून केलं कौतुक; ‘ती’ आठवण शेअर करत म्हणाली “कोविड दरम्यान आम्ही खूप वेळ…”
