मुंबई – मुख्यमंत्री उद्धव ठाकरे यांनी मंत्रालयात मोठे फेरबदल केले आहेत. मंत्रालयात वर्षानुवर्षे एकाच ठिकाणी ठाण मांडून बसलेल्या तब्बल 300 अधिकाऱ्यांची फेरबदली करण्यात आली आहे. हे अधिकारी अनेक वर्षे एकाच विभागात तळ ठोकून होते. यामुळे फेरबदलामुळे मंत्रालयातील प्रशासनावर मोठा परिणाम होणार असल्याचे बोलले जात आहे. सूत्रांनी दिलेल्या माहितीनुसार, मुख्यमंत्री उद्धव ठाकरे यांनी मंत्रालयातील 300 अधिकाऱ्यांची फेरबदली केली. मंत्रालयातील अनेक अधिकारी वर्षानुवर्षे एकाच विभागात तळ ठोकून होते. ते केवळ खात्यांचे सचिवच नव्हे तर कॅबिनेट सदस्यांपेक्षाही अधिक प्रभावशाली झाले होते. कोणतेही कॅबिनेट सदस्य त्यांना बदलू शकत नव्हते. महाविकास आघाडी सरकार सत्तेवर आल्यानंतर ते प्रशासनाच्या निदर्शनास आणण्यात आले. प्रदीर्घ विचारानंतर, मुख्यमंत्र्यांशी सल्लामसलत करून मंत्रालयातील 300 अधिकाऱ्यांची बदली करण्यात आली. यापूर्वी, देवेंद्र फडणवीस आणि पृथ्वीराज चव्हाण यासारख्या माजी मुख्यमंत्र्यांनी अधिकाऱ्यां -मध्ये फेरबदल करण्याचा प्रयत्न केला होता. परंतु त्यात ते यशस्वी झाले नव्हते. मात्र आता उद्धव ठाकरे यांनी ते करुन दाखवले आहे. त्यासाठी उद्धव ठाकरेंना मुख्य सचिव सीताराम कुंटे यांनी महत्त्वाची मदत केल्याचे सांगण्यात येत आहे. एका वरिष्ठ अधिकाऱ्याने दिलेल्या माहितीनुसार, एकाच कक्षात वर्षानुवर्षे असल्याने कोणताही कॅबिनेट सदस्य त्यांचे काहीही करू शकत नाही, अशी त्यांची धारणा झाली होती. पण जेव्हा महाविकास आघाडीचे सरकार आले, तेव्हा ही बाब त्यांच्या लक्षात आणून देण्यात आली. मग विचारमंथन करुन, या 300 अधिकाऱ्यांमध्ये फेरबदल करण्यात आला. त्यासाठी मुख्यमंत्र्यांशी सल्लामसलत करण्यात आली. आम्हाला आशा आहे की जारी केलेले सर्व हस्तांतरण आणि पदोन्नती आदेश लागू केले जातील. मुख्य सचिव सीताराम कुंटे यांच्या नेतृत्वाखालील मुख्यमंत्री आणि सामान्य प्रशासन विभागासाठी ही खरी कसोटीची वेळ असेल, असेही या अधिकाऱ्याने सांगितले.
