हिंगोली । जिल्ह्यात विधानसभा निवडणुकीच्या अनुषंगाने वाहनांची कसून तपासणी केली जात आहे. शहरातील बसस्थानक परिसरात शुक्रवारी स्थानिक गुन्हे शाखेच्या पथकाकडून वाहनांची तपासणी सुरू असताना दोन वाहनांत १ कोटी ४० लाख रूपयांची रोकड आढळून आली. या कारवाईमुळे जिल्ह्यात चांगलीच खळबळ उडाली आहे. हिंगोली, वसमत व कळमनुरी विधानसभा मतदार संघासाठी निवडणूक प्रक्रिया सुरू आहे. उमेदवारी अर्ज दाखल करण्याची लगबग सुरू आहे. तर निवडणूक काळात गैरप्रकार होऊ नयेत, यासाठी जिल्हाधिकारी अभिनव गोयल, पोलिस अधीक्षक श्रीकृष्ण कोकाटे यांच्या मार्गदर्शनाखाली जिल्ह्यात ठिकठिकाणी वाहनांची तपासणी केली जात आहे. यासाठी काही पथकेही नियुक्त केली आहेत. दरम्यान, हिंगोली शहरातून मोठी रोकड नेली जात असल्याची माहिती स्थानिक गुन्हे शाखेच्या पथकाला मिळाली होती. त्यावरून शुक्रवारी पथकाने बसस्थानक परिसरात वाहनांची तपासणी सुरू केली होती. या तपासात निक गुन्हे शाखेची मोठी कारवाई केली आहे.
