Nashik News | नाशिकमध्ये केंद्र सरकारच्या इलेक्ट्रिकल टेस्टिंग लॅबचे उद्घाटन केंद्रीय मंत्री मनोहरलाल खट्टर आणि मुख्यमंत्री देवेंद्र फडणवीस यांच्या हस्ते काल (10 सप्टें) पार पडलं. नाशिकमध्ये सुरु होणारे महाराष्ट्रातील पहिले आणि देशातील तिसरे इलेक्ट्रिक टेस्टिंग लॅब आहे. मात्र या लॅबच्या उद्घाटनाच्या पार्श्वभुमीवर नाशिकच्या राजकारणात शिवसेना आणि राष्ट्रवादीमध्ये श्रेयवादाची लढाई जोरदार पाहायला मिळाली आहे. माजी खासदार हेंमत गोडसे आणि मंत्री छगन भुजबळ यांच्यात या श्रेयवाद सुरू असल्याचे बघायला मिळाले. मंत्री छगन भुजबळ आणि माजी खासदार समीर भुजबळ यांच्या माध्यमातून टेस्टिंग लॅब सुरू झाल्याचा भुजबळ यांनी दावा केला आहे. तर या लॅबसाठी जागा मिळवून देण्यासाठी आपण प्रयत्न केल्याचा दावा माजी खासदार हेमंत गोडसे यांनी केला आहे. हेमंत गोडसे यांचा छगन भुजबळांवर निशाणा या लॅबच्या उद्घाटन सोहळ्याला माजी खासदार हेमंत गोडसे यांना निमंत्रण देण्यात आलं नव्हतं. त्यावरून गोडसे यांनी नाराजी व्यक्त करत छगन भुजबळ यांच्यावर निशाणा साधला आहे. कोणताही प्रकल्प आला तर माझ्यामुळे आला ही भुजबळ यांची सवय आहे. आणि त्यांच्याकडून काही होत नसेल तर ते अडचणी आणतात. ते कॅबिनेट मंत्री असताना त्यांना ती जागा घेता आली नाही. तर 100 एकर जागा टेस्टिंग लॅबला होती. त्याच्या बाजूला 50 एकर गायरान जागा त्यांना स्वतःच्या शिक्षण संस्थेसाठी घ्याची होती. भुजबळ यांची सवय आहे, ते कोणताही प्रकल्प आला तर त्याचे श्रेय घेतात, त्यामुळे आम्ही त्याचा निषेध करतो, अशी प्रतिक्रिया माजी खासदार हेंमत गोडसे यांनी दिली आहे. Nashik News | तर दुसरीकडे, टेस्टिंग लॅबचं काम समीर भुजबळांच्या काळात झाल्याचं म्हणत भुजबळांनी हेमंत गोडसे यांच्यावर पलटवार केला आहे. लॅबमध्ये एक हजार कोटी रूपयांची गुंतवणूक केल्याचा दावाही छनग भुजबळ यांनी केला आहे. त्यामुळे आता विकासकामावरून शिंदेंची शिवसेना आणि दादांच्या राष्ट्रवादीते नेते आमनेसामने आल्याचे दिसत आहे. काय आहे इलेक्ट्रिकल टेस्टिंग लॅब? नाशिकच्या शिलापूरमधील सेंट्रल पावर रिसर्च इन्स्टिट्यूट टेस्टिंग लॅब महाराष्ट्रातील पहिला आणि भारतातील तिसरी इलेक्ट्रिक टेस्टिंग लॅब आहे. यामुळे आगामी काळात नाशिकला इलेक्ट्रिक हब म्हणून चालना मिळणार आहे. 216 कोटी रुपये खर्च करून 100 एकर क्षेत्रावर उभारण्यात प्रकल्प आला असून या माध्यमातून रोजगार निर्मिती होण्यास चालना मिळणार आहे. विद्युत उपकरणे निर्मिती आणि त्याच्या गुणवत्ताची तपासणी करण्यासाठी टेस्टिंग लॅबचा उपयोग होणार आहे. याद्वारे आता इलेक्ट्रिक क्षेत्रात काम करणाऱ्या उद्योजकांचा वेळ आणि पैसा देखील वाचणार आहे. हेही वाचा: Maharashtra Governor : पुन्हा धक्कातंत्र? महाराष्ट्राच्या राज्यपाल पदाचा नवा चेहरा कोण? सीपी राधाकृष्णन यांचा लवकरच राजीनामा
