Maharashtra Congress : महाराष्ट्र विधान परिषद निवडणुकांच्या निकालानंतर (Maharashtra Congress) राज्यातील राजकीय वर्तुळात प्रचंड घडामोडींना वेग आला आहे. या निवडणुकीत महाविकास आघाडीने तीन जागांवर मुसंडी मारत महायुतीला दोन जागांवर रोखले.

महायुतीला मिळालेला हा धक्का आणि आघाडीला मिळालेले यश (Maharashtra Congress) या पार्श्वभूमीवर काँग्रेसने अचानक एक अत्यंत मोठा आणि धक्कादायक निर्णय घेतला आहे. ज्यामुळे राजकीय वर्तुळात अनेक तर्कवितर्क लढवले जात आहेत.

नुकत्याच पार पडलेल्या नागपूर पदवीधर, पुणे पदवीधर आणि अमरावती शिक्षक मतदारसंघातील निकालांचा सखोल आणि वस्तुनिष्ठ अभ्यास करण्यासाठी महाराष्ट्र प्रदेश काँग्रेस कमिटीने एका विशेष चार सदस्यीय उच्चस्तरीय समितीची स्थापना केली आहे.

अखिल भारतीय काँग्रेस कमिटीच्या थेट मार्गदर्शनाखाली आणि प्रदेशाध्यक्ष हर्षवर्धन सपकाळ यांच्या सूचनेनुसार ही अंतर्गत चौकशी व अभ्यास समिती गठीत करण्यात आली आहे. या महत्त्वाच्या समितीत काँग्रेस कार्यकारिणीचे ज्येष्ठ नेते बाळासाहेब थोरात, खासदार चंद्रकांत हंडोरे, माजी मंत्री आरिफ नसीम खान आणि अखिल भारतीय काँग्रेस कमिटीचे सचिव बी. एम. संदीप यांचा समावेश करण्यात आला आहे.

ही समिती केवळ निकालांचे विश्लेषण करणार नसून निवडणुकीदरम्यान पडद्यामागे घडलेल्या अनेक घडामोडींची झाडाझडती घेणार आहे. संबंधित मतदारसंघांमधील प्रत्यक्ष निवडणूक प्रक्रिया, पक्षाची प्रचार रणनीती, स्थानिक पातळीवरील समन्वय आणि विजयामागील तसेच पराभवामागील छुपी कारणे यांचा सविस्तर पंचनामा केला जाणार आहे.

निवडणुकीदरम्यान पक्षाच्या (Maharashtra Congress) पातळीवर काही अंतर्गत त्रुटी, गटबाजी किंवा समन्वयाचा अभाव राहिला होता का, याचा शोध घेण्यासोबतच भूतकाळातील निवडणुकांचा या निकालांवर काही विपरीत परिणाम झाला आहे का, याचीही ही समिती कसून चौकशी करणार आहे.

या संपूर्ण मंथनातून भविष्यातील आगामी निवडणुकांसाठी काँग्रेसची रणनीती कशी असावी, याबाबत ही समिती ठोस आणि कडक शिफारसी करणार आहे. समितीला आपला संपूर्ण गोपनीय व सविस्तर अहवाल अवघ्या तीन आठवड्यांच्या आत पक्षाचे महाराष्ट्र प्रभारी डॉ. सिरीवेल्ला प्रसाद यांच्याकडे सोपवण्याचे आदेश देण्यात आले असून, त्याची एक प्रत प्रदेशाध्यक्ष हर्षवर्धन सपकाळ यांनाही दिली जाणार आहे.

या निवडणुकीत भाजप, एकनाथ शिंदेंची शिवसेना आणि अजित पवारांच्या राष्ट्रवादी काँग्रेसच्या महायुतीला अवघ्या दोन जागांवर समाधान मानावे लागले आहे. नागपूर विभागीय पदवीधर मतदारसंघात काँग्रेसच्या अभिजित वंजारी यांनी पुन्हा एकदा ऐतिहासिक विजय मिळवत भाजपच्या बालेकिल्ल्याला खिंडार पाडले.

दुसरीकडे, पुणे पदवीधर मतदारसंघातही भाजपला जबर धक्का बसला असून, महायुतीच्या उमेदवार स्मिता योगेश जाधव यांचा महाविकास आघाडीच्या उमेदवार हर्षदा देशमुख यांनी पराभव केला.

विदर्भातील अमरावती शिक्षक मतदारसंघात मात्र एकनाथ शिंदे यांच्या शिवसेनेचे विद्यमान आमदार किरण सरनाईक यांनी आपली जागा राखण्यात यश मिळवले आहे. तरीही निकालानंतर काँग्रेसने सुरू केलेल्या या गुप्त अंतर्गत हालचालींमुळे महायुतीसह विरोधकांच्याही (Maharashtra Congress) भुवया उंचावल्या आहेत.