Belgaum News | कर्नाटक विधानसभेच्या हिवाळी अधिवेशनाला आजपासून सुरुवात होत आहे. यादरम्यान अधिवेशनाच्या पहिल्याच दिवशी मराठी भाषिकांच्या दीर्घकालीन प्रलंबित प्रश्नांची दखल घेण्याची मागणी जोरदारपणे केली जात आहे. याप्रकरणी बेळगावातील सीमाभागात पुन्हा एकदा वातावरण तापले असून खानापूर महाराष्ट्र एकीकरण समितीच्या अनेक नेत्यांची धरपकड करण्यात आली आहे. कर्नाटकच्या हिवाळी अधिवेशनाविरोधात महामेळाव्याचं आयोजन करण्यात आलं होतं. तसेच परवानगी नसतानाही नेते महामेळाव्यासाठी पोहोचल्याने त्यांना पोलिसांनी ताब्यात घेतले आहे. दरवर्षी बेळगावात हिवाळी अधिवेशनाच्या पहिल्या दिवशी मराठी भाषिकांचा महामेळावा आयोजित केला जातो. यंदाही मोठ्या प्रमाणावर मराठी बांधव यात सहभागी होणार होते. मात्र कर्नाटक सरकारने या महामेळाव्याला परवानगी नाकारली आणि मराठी एकीकरण समितीच्या नेत्यांना अटक केली. ठाकरे गटाकडून निषेध व्यक्त कर्नाटक सरकारच्या या भूमिकेमुळे स्थानिक मराठी नागरिकांसह ठाकरे गटाने थेट रस्त्यावर उतरून निषेध व्यक्त केला. कोल्हापूर एसटी स्टँड येथे कर्नाटक परिवहनच्या बस अडवून आंदोलन करण्यात आले. तसेच मराठी जनतेच्या आंदोलनाला मुस्कटदाबीचा करण्याचा प्रयत्न सहन केला जाणार नसल्याचा इशाराही देण्यात आला. Belgaum News | हेही वाचा: रशिया-युक्रेन युद्ध संपवण्याविषयी ट्रम्पचे मोठे विधान ; म्हणाले,”मला वाटलं होतं सोपं असेल पण..”
