मुंबई – भारतीय जनता पक्ष राज्यातील सामाजिक शांतता बिघडवण्यासाठी आणि मतदारांचे ध्रुवीकरण करण्यासाठी महाराष्ट्राला “दंगलीची प्रयोगशाळा” बनवण्याचा प्रयत्न करत असल्याचा आहे असा आरोप शिवसेनेच्या ठाकरे गटाने केला आहे. ते सत्तेसाठी काहीही करण्याच्या प्रयत्नात असतात. त्यांना समाजात फूट पाडून निवडणूक यश प्राप्त करून घेण्याची इच्छा असावी याच साठी त्यांनी शिवसेनेतही फूट पाडली होती असे त्यांनी म्हटले आहे. राज्यघटना, राष्ट्रीय एकात्मता आणि धार्मिक सहअस्तित्व यांना बगल देऊन सत्तेची लालसा बाळगणाऱ्यांनी सध्या राज्याला वेढले असल्याने राज्यातील जनतेने सतर्क राहण्याची गरज आहे, असा दावाही शिवसेनेने आपल्या मुखपत्रात केला आहे. महाराष्ट्रात शनिवारी आणि रविवारी अकोला आणि शेवगाव गावात जातीय संघर्ष झाला, ज्यामध्ये एकाचा मृत्यू झाला आणि 13 जण जखमी झाले. दुसऱ्या एका घटनेत, नाशिक जिल्ह्यातील प्रसिद्ध त्र्यंबकेश्वर मंदिरात एका वेगळ्या धर्माच्या सदस्यांनी जबरदस्तीने घुसण्याचा प्रयत्न केला, ज्यामुळे राज्य सरकारने या प्रकरणाची चौकशी करण्यासाठी विशेष तपास पथक स्थापन केले आहे. या पार्श्वभूमीवर शिवसेना ठाकरे गटाच्या मुखपत्रातील अग्रलेखात हा आरोप करण्यात आला आहे. संपादकीयमध्ये दावा करण्यात आला आहे की, एकनाथ शिंदे-देवेंद्र फडणवीस युती सत्तेत आल्यापासून राज्यात धार्मिक आणि सामाजिक तणाव निर्माण झाला आहे. भाजप आणि त्यांचे समर्थक सामाजिक शांतता बिघडवण्याचा, दंगलीची प्रयोगशाळा उभारून मतदारांचे ध्रुवीकरण करण्याचा प्रयत्न करत आहेत,” असा आरोप त्यात करण्यात आला आहे. काही प्रश्न समंजसपणाने सोडवता येतात, पण त्यांना समाजात फूट पाडून निवडणूक लढवायची आहे असे दिसते, असेही यात म्हटले आहे. राजकीय हेतूने जाणीवपूर्वक सामाजिक तेढ निर्माण केली जात असून हे नियोजनबद्ध पद्धतीने केले जात असल्याचा दावा संपादकीयात करण्यात आला आहे.
