Assembly Elections 2024 ।  नुकतेच निवडणूक आयोगाने पत्रकार परिषद घेऊन जम्मू-काश्मीर आणि हरियाणा या दोन राज्यांमध्ये होणाऱ्या विधानसभा निवडणुकांच्या तारखा जाहीर केल्या. यावेळी त्यांनी महाराष्ट्रातील निवडणुकांच्या तारखा जाहीर केल्या नाही. यावरून आता चर्चा रंगली आहे.

महाराष्ट्रातील निवडणुका कधी? आणि राज्यातील निवडणूका लांबणीवर का पडल्यात ? असा प्रश्न चर्चेत आला आहे. दरम्यान पत्रकार परिषदेतही महाराष्ट्राच्या विधानसभा निवडणुकीबाबत राजीव कुमार यांना दोनवेळा प्रश्न विचारण्यात आला.  यावर ते मी म्हणाले,’महाराष्ट्रात दिवाळीनंतर विधानसभेची निवडणूक होण्याची शक्यता आहे. येत्या काळात  गणेशोत्सव, दिवाळी आणि पितृपक्ष असल्यानं अजून तारीख जाहीर झालेली नाही’ असेही  निवडणूक आयोगानं सांगितलं आहे.

हरियाणाची मुदत 3 नोव्हेंबर होती तर महाराष्ट्राची 26 नोव्हेंबर आहे. त्यावेळी जम्मू काश्मीरचा मुद्दा नव्हता. यावेळी पाच निवडणुकांचा मुद्दा आहे. महाराष्ट्र, हरियाणा, जम्मू काश्मीर, झारखंड आणि दिल्लीची निवडणूक आहे.

सुरक्षा बलांचा मुद्दा आहे. महाराष्ट्रात पाऊस झाला होता त्यामुळं बीएलओची काम देखील झालेली नाहीत. अनेक सण आहेत, गणेशोत्सव, पितृपक्ष, नवरात्री, दिवाळी आहे. या सर्व गोष्टींचा विचार करुन दोन राज्यांच्या निवडणुका सोबत घेण्याचा निर्णय घेतला, असेही ते म्हणाले.

तत्पूर्वी, २ ० १ ९ साली हरियाणा आणि महाराष्ट्रात एकत्रच निवडणूक पार पडल्या मात्र केंद्रीय निवडणूक आयोगानं हरियाणातील निवडणुकांची घोषणा केली, पण राज्यातील निवडणूकीची तारीख जाहीर न केल्यामुळे आता राजकीय चर्चेला उधाण आले आहे.