Maharashtra Govt Jobs : राज्य सरकारने महिला व बाल विकास क्षेत्रासाठी महत्त्वाचा निर्णय घेत, अंगणवाडी सेविका आणि मदतनीस पदांच्या मोठ्या भरतीला मंजुरी दिली आहे. या निर्णयामुळे राज्यातील लाखो महिलांना रोजगाराच्या संधी उपलब्ध होणार आहेत. (Maharashtra Govt Jobs) महिला व बाल विकास विभागात तब्बल २३ वर्षांनंतर नियमित पदभरती होत असून, ८६६९ पदे भरण्यास हिरवा कंदील देण्यात आला आहे. यासोबतच काही पदे रद्द करून १६५ नवीन पदांची निर्मिती करण्यात आली आहे. याबाबत माहिती आदिती तटकरे यांनी दिली. (Maharashtra Govt Jobs) एकात्मिक बाल विकास सेवा (ICDS) योजनेअंतर्गत मोठ्या प्रमाणावर भरती होणार आहे. यामध्ये १,१०,६६४ अंगणवाडी सेविका आणि १,१०,६६४ अंगणवाडी मदतनीस अशी एकूण २,२१,३२८ मानधनाधारित पदे मंजूर करण्यात आली आहेत. याशिवाय २८४३ पदे बाह्य यंत्रणेमार्फत भरण्यालाही मंजुरी देण्यात आली आहे. या भरतीमुळे ग्रामीण आणि शहरी भागातील महिलांना रोजगार मिळण्यास मदत होणार असून, बालकांच्या आरोग्य, पोषण आणि शिक्षण सेवांमध्ये सुधारणा होण्याची अपेक्षा आहे. महिला सक्षमीकरणाच्या दृष्टीने हा निर्णय महत्त्वाचा मानला जात आहे. (Maharashtra Govt Jobs) अर्जासाठी आवश्यक कागदपत्रे: किमान १२ वी (HSC) उत्तीर्ण प्रमाणपत्र शैक्षणिक गुणपत्रके व प्रमाणपत्रे (Self Attested) डी.एड./बी.एड. असल्यास संबंधित प्रमाणपत्रे MS-CIT प्रमाणपत्र (असल्यास) तहसील कार्यालयाचे रहिवासी प्रमाणपत्र (अनिवार्य) लहान कुटुंब प्रमाणपत्र अर्ज प्रक्रिया सुरू होण्यापूर्वी उमेदवारांनी ही कागदपत्रे तयार ठेवण्याचे आवाहन करण्यात आले आहे. (Maharashtra Govt Jobs)
