Madhubala biopic: बॉलीवूडमधील दिग्गज अभिनेत्री मधुबाला यांच्या आयुष्यावर आधारित बायोपिक सध्या खूप चर्चेत आहे. या चित्रपटात मधुबालांची भूमिका कोण साकारणार, याबाबत अनेक अभिनेत्रींची नावे समोर येत आहेत. आता या यादीत अभिनेत्री शर्वरी वाघ हिचे नाव आघाडीवर असल्याचे समोर येत आहे. (Madhubala biopic) मीडिया रिपोर्ट्सनुसार, शर्वरीला या महत्त्वाच्या भूमिकेसाठी विचारले जात आहे. काही अहवालांमध्ये असेही म्हटले जात आहे की, ती या रोलसाठी टॉप चॉइसपैकी एक आहे. मात्र, अद्याप याबाबत अधिकृत घोषणा करण्यात आलेली नाही. त्यामुळे शर्वरीची निवड निश्चित झाली आहे का, याबाबत अजून स्पष्टता नाही. (Madhubala biopic) मधुबालाच्या बायोपिकसाठी अनेक तरुण अभिनेत्रींची नावे चर्चेत होती. यात सारा अर्जुन, कल्याणी प्रियदर्शन, साई पल्लवी आणि अनीत पड्डा यांचा समावेश होता. या सर्व अभिनेत्रींपैकी अनीत पड्डा हिला सुरुवातीला मजबूत दावेदार मानले जात होते. पण आता शर्वरीचे नाव पुढे येत असल्यामुळे स्पर्धा अधिक रंगतदार झाली आहे. (Madhubala biopic) या चित्रपटाचे दिग्दर्शन जसमीत के. रीन करणार आहेत. त्यांनी यापूर्वी डार्लिंग्स या चित्रपटाचे दिग्दर्शन केले होते, ज्याला प्रेक्षकांचा चांगला प्रतिसाद मिळाला होता. त्यामुळे या बायोपिककडूनही मोठ्या अपेक्षा व्यक्त केल्या जात आहेत. Madhubala biopic Sharvari wagh शर्वरीच्या कामाबद्दल बोलायचे झाले, तर ती सध्या अनेक मोठ्या प्रोजेक्ट्समध्ये व्यस्त आहे. ती लवकरच इम्तियाज अली यांच्या ‘मैं वापस आऊंगा’ या चित्रपटात दिसणार आहे. हा चित्रपट १२ जून २०२६ रोजी प्रदर्शित होणार आहे. तसेच ती आलिया भट्ट सोबत ‘अल्फा’ या महिला जासूसी चित्रपटातही झळकणार आहे. याशिवाय ‘मुंज्या २’ हाही चित्रपट तिच्याकडे आहे. Madhubala biopic मधुबालाच्या आयुष्यावर आधारित हा चित्रपट बॉलीवूडमधील सर्वात चर्चित प्रोजेक्ट्सपैकी एक मानला जात आहे. त्यांच्या सौंदर्य, अभिनय आणि वैयक्तिक आयुष्याबद्दल आजही प्रेक्षकांमध्ये प्रचंड उत्सुकता आहे. त्यामुळे त्यांच्या भूमिकेसाठी योग्य अभिनेत्रीची निवड करणे हे निर्मात्यांसाठी मोठे आव्हान ठरत आहे. आता सर्वांचे लक्ष अधिकृत घोषणेकडे लागले आहे. शर्वरीच या बायोपिकमध्ये मधुबालांची भूमिका साकारणार का, की आणखी एखाद्या अभिनेत्रीच्या नावावर शिक्कामोर्तब होणार, हे लवकरच स्पष्ट होईल.
