Mad Sandhu:  अमृतसरमध्ये सोशल मीडिया इन्फ्लुएन्सर आणि मेकअप आर्टिस्ट मधुसूदन उर्फ मॅड संधू यांची बाईकवरून आलेल्या हल्लेखोरांनी गोळ्या झाडून हत्या केली. संधू याच्या हत्येनंतर, गँगस्टर गोल्डी ढिल्लनच्या नावाने एक पोस्ट सोशल मीडियावर समोर आली. त्यामध्ये या हत्येची जबाबदारी स्वीकारण्यात आली आहे.

या पोस्टमध्ये मॅड संधू याच्यावर नवीन पिढीला बिघडवल्याचा आरोप करण्यात आला आहे. तसेच, अशा व्यक्तींना प्रमुख पाहुणे म्हणून आमंत्रित करणाऱ्या शाळांना इशाराही देण्यात आला आहे. पोलीस या पोस्टचा आणि हत्येचा संबंध काय आहे याचा तपास करत आहेत.

या घटनेचा एक व्हिडिओ देखील समोर आला आहे, ज्यामध्ये मॅड संधू रस्त्यावर जखमी अवस्थेत पडलेले दिसत आहेत. घटनास्थळी गोळ्यांचे रिकामे शेलही सापडले. माहिती मिळताच पोलीस घटनास्थळी दाखल झाले आणि त्यांनी तपास सुरू केला. जवळच्या सीसीटीव्ही कॅमेऱ्यांमधील फुटेज तपासले जात आहे. पोलिस हल्लेखोरांची ओळख पटवण्याचे आणि या घटनेमागील हेतू निश्चित करण्याचे काम करत आहेत.

सोशल मीडियावरील पोस्ट 

या प्रकरणाचा तपास सुरू असून हल्लेखोरांना लवकरात लवकर ओळख पटवून अटक करण्याचे प्रयत्न सुरू आहेत. मॅड संधूने त्याच्या हत्येच्या सुमारे एक तास आधी सोशल मीडियावर एक पोस्ट टाकली होती. त्या पोस्टमध्ये त्याने लिहिले होते, मेनू माही, मला भेट. त्यानंतर, सायंकाळी ६ वाजण्याच्या सुमारास, लोहरका रोडवरील एका कार वॉश सेंटरजवळ दुचाकीवरून आलेल्या दोन हल्लेखोरांनी त्याच्यावर गोळीबार केला. त्याला गंभीर अवस्थेत एका खाजगी रुग्णालयात नेण्यात आले, परंतु वाटेतच त्याचा मृत्यू झाला.

मॅड संधू कोण? 

मॅड संधू एका निवृत्त पोलीस उपनिरीक्षकाचा मुलगा होता आणि अमृतसरमधील एका निवासी वसाहतीत राहत होता. तो पंजाबी मनोरंजन उद्योगाशीही संबंधित होता आणि त्याने ओये भोले ओये सारख्या चित्रपटांमध्ये काम केले होते. सोशल मीडियावर त्याचे अंदाजे २.२६ लाख फॉलोअर्स आहेत.

हेही वाचा: 

Abhijit Deepke: “CJP ला बदनाम करण्यासाठी…” ; अभिजीत दीपकेचे प्रत्युत्तर, कोणावर साधला निशाणा?