LPG Cylinder Price । देशभरात सुरू असलेल्या लोकसभा निवडणुकीच्या पार्श्वभूमीवर सर्वसामान्यांना पुन्हा दिलासा मिळालाय. सरकारी तेल आणि वायू विपणन कंपन्यांनी एलपीजी सिलिंडरच्या किमतीत सलग दुसऱ्यांदा कपात केलीय. त्यामुळे महागाईच्या समस्येशी झगडणाऱ्या जनतेला मोठा दिलासा मिळणार आहे. ‘या’ सिलिंडरच्या किमती कमी झाल्या LPG Cylinder Price । सरकारी तेल कंपन्यांनी जारी केलेल्या अधिसूचनेनुसार, आजपासून देशातील विविध शहरांमध्ये एलपीजी सिलिंडरच्या किमतीत 19 रुपयांपर्यंत कपात करण्यात आली आहे. मात्र, या कपातीचा लाभ केवळ 19 किलोच्या व्यावसायिक एलपीजी सिलिंडरवरच मिळणार आहे. यावेळीही घरगुती वापराच्या एलपीजी सिलिंडरच्या किंमतीत कोणताही बदल करण्यात आलेला नाही. आजपासून तुमच्या शहरातील ‘या’ किमती LPG Cylinder Price । ताज्या कपातीनंतर दिल्लीत 19 किलोच्या सिलेंडरची किंमत 1,745.50 रुपयांवर आली आहे. त्याचप्रमाणे कोलकातामध्ये आजपासून व्यावसायिक एलपीजी सिलिंडर 1,859 रुपयांना उपलब्ध होणार आहेत. या मोठ्या सिलेंडरसाठी मुंबईतील लोकांना आता 1,698.50 रुपये मोजावे लागतील, तर चेन्नईमध्ये त्याची किंमत आता 1,911 रुपये असेल. मतदानाचे दोन टप्पे पूर्ण देशभरात लोकसभा निवडणुकीची रणधुमाळी सुरू असताना 19 किलोच्या व्यावसायिक सिलिंडरच्या किमतीत ही कपात करण्यात आली आहे. गेल्या महिन्यात लोकसभा निवडणुकीला सुरुवात झाली असून आतापर्यंत दोन टप्प्यात मतदान झाले आहे. मतदानाचे अजून पाच टप्पे बाकी आहेत. मतदानाचा अंतिम टप्पा 1 जून रोजी होणार असून त्यानंतर 4 जून रोजी लोकसभा निवडणुका 2024 चे निकाल जाहीर होतील. एवढी कपात गेल्या महिन्यात झाली मागील महिन्यातही एलपीजी सिलिंडरच्या किमतीत अनेक कपात करण्यात आली होती. गेल्या महिन्याच्या पहिल्या तारखेपासून म्हणजेच १ एप्रिलपासून १९ किलो एलपीजी सिलिंडरची किंमत ३५ रुपयांनी कमी करण्यात आली होती. त्याआधी सलग तीन महिने व्यावसायिक सिलिंडरच्या किमतीत वाढ होताना दिसत होती. दोन महिन्यांपासून त्यांच्या किमतीत बदल नाही घरगुती एलपीजी सिलिंडरच्या बाबतीत, ग्राहकांना शेवटची भेट मार्च महिन्यात मिळाली होती. त्यावेळी पंतप्रधान नरेंद्र मोदी यांनी महिला दिनानिमित्त (8 मार्च 2024) एलपीजी सिलिंडरच्या किमतीत 100 रुपयांनी कपात करण्याची घोषणा केली होती.
