Aadhaar Card Lost : आधार कार्ड हरवले किंवा चोरी झाले तरी घाबरण्याचे कारण नाही. युनिक आयडेंटिफिकेशन अथॉरिटी ऑफ इंडिया (UIDAI) ने डुप्लिकेट आधार कार्ड मिळवण्याची प्रक्रिया अत्यंत सोपी केली आहे. आता तुम्ही घरबसल्या काही मिनिटांत ई-आधार डाउनलोड करू शकता किंवा फक्त ५० रुपयांत प्रिंटेड आधार कार्ड तुमच्या घरी मागवू शकता. आधार कार्ड का महत्त्वाचे? आजच्या काळात आधार कार्ड हे ओळखीचे सर्वात महत्त्वाचे दस्तऐवज बनले आहे. बँक खाते उघडण्यापासून ते मोबाइल नंबर अपडेट करण्यापर्यंत, प्रत्येक ठिकाणी आधार कार्डाची गरज भासते. पण आधार कार्ड हरवले किंवा चोरी झाले तर काय करावे? UIDAI ने यासाठी सोपा मार्ग उपलब्ध करून दिला आहे. ई-आधार डाउनलोड कसे करावे? १. सर्वप्रथम UIDAI च्या अधिकृत वेबसाइट https://eaadhaar.uidai.gov.in वर जा. २. तिथे तुम्हाला तीन पर्याय दिसतील: १२ अंकी आधार क्रमांक, एनरोलमेंट आयडी किंवा व्हर्च्युअल आयडी. यापैकी कोणताही एक पर्याय निवडा. ३. आवश्यक माहिती भरा आणि दिलेल्या इमेजमधील कॅरेक्टर्स टाईप करा. ४. ‘Send OTP’ वर क्लिक करा. हा OTP तुमच्या नोंदणीकृत मोबाइल नंबरवर येईल. ५. OTP टाकल्यानंतर तुम्ही ई-आधार सहज डाउनलोड करू शकता.प्रिंटेड आधार कार्ड घरपोच मागवा! जर तुम्हाला आधार कार्डाची हार्ड कॉपी हवी असेल, तर UIDAI ने त्यासाठीही सोपी सुविधा उपलब्ध केली आहे. पुढील स्टेप्स फॉलो करा: १. UIDAI च्या अधिकृत वेबसाइट uidai.gov.in वर जा. २. ‘My Aadhaar’ सेक्शनमधील ‘Retrieve Lost or Forgotten EID/UID’ पर्यायावर क्लिक करा. ३. मागितलेली माहिती (आधार क्रमांक, नाव, मोबाइल नंबर किंवा ईमेल) भरा. ४. ‘Send OTP’ किंवा ‘Send TOTP’ पर्याय निवडून पडताळणी करा. ५. त्यानंतर ५० रुपये शुल्क ऑनलाइन पेमेंटद्वारे भरा. ६. पेमेंट पूर्ण झाल्यानंतर पुढील १५ दिवसांत तुमचे आधार कार्ड स्पीड पोस्टद्वारे तुमच्या पत्त्यावर पोहोचेल. किती आहे शुल्क? पूर्वी UIDAI फक्त ई-आधार डाउनलोडची सुविधा देत होते, ज्याची प्रिंट स्वतः काढावी लागत होती. आता मात्र फक्त ५० रुपये शुल्क आकारून तुम्ही प्रिंटेड आधार कार्ड थेट तुमच्या घरी मागवू शकता. आधार कार्ड हरवल्याने आता टेंशन घेण्याची गरज नाही. UIDAI च्या या सोप्या प्रक्रियेमुळे तुम्ही काही मिनिटांतच तुमचे आधार कार्ड पुन्हा मिळवू शकता!
