Christian Clarke vs India : भारत आणि न्यूझीलंड यांच्यात सध्या सुरू असलेल्या एकदिवसीय मालिकेत एका नव्या दमाच्या गोलंदाजाने भारतीय फलंदाजांना चांगलंच जेरीस आणलं आहे. न्यूझीलंडचा युवा वेगवान गोलंदाज क्रिस्टियन क्लार्कने आपल्या सुरुवातीच्या दोन सामन्यांतच आपली छाप पाडली आहे. विशेषतः दुसऱ्या सामन्यात रोहित शर्मा आणि विराट कोहली सारख्या दिग्गज फलंदाजांना बाद करून त्याने क्रिकेट विश्वात खळबळ उडवून दिली आहे. पहिल्या सामन्यात पदार्पण, दुसऱ्या सामन्यात धमाका – २४ वर्षीय क्रिस्टियन क्लार्कचा जन्म ६ मार्च २००१ रोजी न्यूझीलंडमधील वाइकाटो येथे झाला. ११ जानेवारी रोजी भारताविरुद्ध झालेल्या पहिल्या सामन्यात त्याला आंतरराष्ट्रीय पदार्पणाची संधी मिळाली. त्या सामन्यात त्याने हर्षित राणाला बाद करून आपली पहिली विकेट्स घेतली होती. मात्र, खरा धमाका त्याने दुसऱ्या सामन्यात केला. रोहित, श्रेयस आणि विराटला धापा टाकायला लावल्या – दुसऱ्या सामन्यात जेव्हा रोहित शर्मा आणि शुबमन गिल आक्रमक फलंदाजी करत होते, तेव्हा कर्णधार मायकेल ब्रेसवेलने क्लार्कच्या हातात चेंडू सोपवला. क्लार्कने विश्वास सार्थ ठरवत तीन महत्त्वाच्या विकेट्स घेतल्या. हेही वाचा – Virat Kohli: ‘ओये बघ, माझा डुप्लिकेट बसलाय!’; विराटची ‘छोट्या चीकू’शी भेट, व्हिडिओ सोशल मीडियावर तुफान व्हायरल रोहित शर्मा: स्थिरावलेल्या रोहितला २४ धावांवर बाद करून भारताला पहिला मोठा धक्का दिला. श्रेयस अय्यर: त्यानंतर श्रेयस अय्यरला केवळ ८ धावांवर बाद करून भारतीय मधल्या फळीला खिंडार पाडले. विराट कोहली: सर्वात मोठी शिकार ठरली ती म्हणजे विराट कोहली. जबरदस्त फॉर्ममध्ये असलेल्या कोहलीला क्लार्कने २३ धावांवर क्लिन बोल्ड केले. गेल्या ५ डावात सलग ५० हून अधिक धावा करणाऱ्या कोहलीला स्वस्तात बाद करण्याची किमया क्लार्कने साधली. क्लार्कने आपल्या पहिल्या ६ षटकांत ३७ धावा देऊन भारताचे ३ महत्त्वाचे गडी बाद केले. क्लार्क जरी आंतरराष्ट्रीय स्तरावर नवीन असला, तरी देशांतर्गत क्रिकेटमध्ये त्याच्या नावावर दांडगा अनुभव आहे. घरगुती क्रिकेटमधील कामगिरी (डोमेस्टिक रेकॉर्ड): क्रिकेटचा प्रकार सामने एकूण बळी (Wickets) सर्वोत्तम कामगिरी प्रथम श्रेणी (First Class) २८ ७९ अचूक टप्पा आणि वेग लिस्ट ए (List A) ३५ ५३ ५० हून अधिक बळी टी-२० (T20) २२ २४ प्रभावी इकॉनॉमी रेट या सामन्यात भारताने प्रथम फलंदाजी करतााना ७ बाद २८४ धावा केल्या आहेत. आता न्यूझीलंड संघाला विजय मिलवण्यासाठी २८५ धावांचे लक्ष्य मिळाले आहे.
