Mumbai Thackeray Brothers Sabha : नाशिक येथील जाहीर सभेनंतर आज ठाकरे बंधूंची (Thackeray brothers) मुंबई महापालिकेसाठी शिवाजी पार्कवर (Shivaji Park) संयुक्त जाहीर सभा होणार आहे. तब्बल २० वर्षानंतर राज ठाकरे आणि उद्धव ठाकरे एकत्र एकाच मंचावर राजकीय युती करून येत असल्याने या सभेला विशेष महत्व प्राप्त झाले आहे. त्यामुळे शिवसैनिक आणि मनसेच्या पदाधिकारी कार्यकर्त्यांमध्ये मोठ्या उत्साहाचे वातवारण आहे. सभेतून ठाकरे बंधूंची तोफ कुणाकुणावर धडाडणार हे पाहणे महत्वाचे असणार आहे. मुंबई महापालिकेची निवडणूक भाजप-शिवसेना शिंदे (BJP-Shiv Sena Shinde) यांच्या महायुतीसाठी महत्वाची असून राज ठाकरे आणि उद्धव ठाकरे त्यांच्यासमोर आव्हान उभे करू शकतात अशी चर्चा आहे. या पार्श्वभूमीवर ठाकरे बंधूंकडून कार्यकर्ते पदाधिकारी यांच्यासोबत संवाद साधला जात असून भेटीगाठी घेतल्या जात आहेत. उद्धव ठाकरे यांच्या खांद्याला खांदा लावून राज ठाकरे देखील मैदानात उतरले आहे. मुंबईतील संयुक्त सभेआधी शाखाभेटीदरम्यान राज ठाकरेंनी सगळ्यांना महत्वाचे आवाहन केले आहे. “शिवतीर्थावर या…इंजिनमध्ये बसून मुंबईतील विरोधकांना मशालीने जाळून टाकू”, असे मोठं विधान राज ठाकरे यांनी केले आहे. मुंबईतील विविध शाखांना भेटी देत होते त्यावेळी त्यांनी हे वक्तव्य केले आहे. मराठी माणसाची एकजूट दाखवण्यासाठी, मुंबई लुटू पाहणाऱ्यांना तडीपार करण्यासाठी, मुंबई रक्षणाची शिवगर्जना करण्यासाठी, शिवशक्ती एकवटणार! ठाकरे येताहेत… स्थळ – शिवतीर्थ रविवार, ११ जानेवारी २०२६ रोजी वेळ – सायंकाळी ६.०० वाजता pic.twitter.com/z5MSDq8dH1 — MNS Adhikrut – मनसे अधिकृत (@mnsadhikrut) January 10, 2026 राज ठाकरे यांच्या मनसेने ही सभा होण्याअगोदर एक व्हिडीओ सोशल मीडियावरून शेअर करत सभेला मोठ्या संख्येने हजर राहण्याचे आवाहन नागरिकांना केले आहे. “मराठी माणसाची एकजूट दाखवण्यासाठी, मुंबई लुटू पाहणाऱ्यांना तडीपार करण्यासाठी, मुंबई रक्षणाची शिवगर्जना करण्यासाठी, शिवशक्ती एकवटणार! ठाकरे येताहेत…” असे म्हटले आहे. ही सभा शिवतीर्थ अर्थात शिवाजी पार्कवर आज ११ जानेवारी २०२६ या दिवशी सायंकाळी ६ वाजता सुरू होणार आहे. त्यामुळे या सभेतून ठाकरे बंधू काय काय बोलणार? राज ठाकरे लावू रे तो व्हिडीओ म्हणत कोणता व्हिडीओ समोर आणणारा का? हे पाहणे महत्वाचे असणार आहे. हेही वाचा : PMC Election : जनता आमदार टिळेकर यांच्या पाठीशी : जगताप
