Virat Kohli broke Sachin Tendulkar record : भारतीय क्रिकेटचा सुपरस्टार विराट कोहली याने पुन्हा एकदा इतिहास रचला आहे. बुधवारी (१४ जानेवारी) न्यूझीलंडविरुद्धच्या दुसऱ्या एकदिवसीय सामन्यात विराटने महान फलंदाज सचिन तेंडुलकर यांचा मोठा विक्रम मोडीत काढला. न्यूझीलंडविरुद्ध एकदिवसीय क्रिकेटमध्ये भारतासाठी सर्वाधिक धावा करणारा फलंदाज बनण्याचा बहुमान आता विराट कोहलीने मिळवला आहे. पहिल्याच चेंडूवर चौकार आणि इतिहास! राजकोटच्या मैदानावर उतरण्यापूर्वी विराटला सचिनचा १७५० धावांचा विक्रम मोडण्यासाठी केवळ १ धावेची गरज होती. विराटने डावाच्या पहिल्याच चेंडूवर न्यूझीलंडचा वेगवान गोलंदाज क्रिस्टियन क्लार्कला शानदार चौकार मारला आणि सचिन तेंडुलकरला मागे टाकले. सचिनपेक्षा कमी डावात केली कामगिरी – विराटने हा टप्पा गाठण्यासाठी सचिनच्या तुलनेत खूपच कमी सामने घेतले. क्रिकेटचा महान खेळाडू सचिन तेंडुलकरने न्यूझीलंडविरुद्ध ४२ सामन्यात ४६.०५ सरासरीने न्यूझीलंडविरुद्ध सर्वाधिक १७५० धावा केल्या आहेत. आता विराटने फक्त ३५ सामन्यात ५६.४५ च्या सरासरीने १७७३ धावा करण्याचा पराक्रम केला आहे. हेही वाचा – KL Rahul Century : केएल राहुलचे राजकोटमध्ये ऐतिहासिक शतक! ‘ही’ कामगिरी करणारा ठरला भारताचा पहिलाच खेळाडू न्यूझीलंडविरुद्ध सर्वाधिक धावा करणारे भारतीय खेळाडू: खेळाडू सामने धावा शतक/अर्धशतक विराट कोहली ३५* १७७३* ६/१० सचिन तेंडुलकर ४२ १७५० ५/८ वीरेंद्र सहवाग २३ ११५७ ६/३ रोहित शर्मा ३३* ११२३ २/६ हेही वाचा – KL Rahul Record : केएल राहुल ‘डेथ ओव्हर्सचा’ नवा किंग! आठव्या शतकासह मोडला ग्लेन फिलिप्सचा वर्ल्ड रेकॉर्ड आता रिकी पॉन्टिंगच्या रेकॉर्डवर लक्ष – न्यूझीलंडविरुद्ध एकदिवसीय क्रिकेटमध्ये सर्वाधिक धावा करण्याचा जागतिक विक्रम ऑस्ट्रेलियाच्या रिकी पॉन्टिंगच्या नावावर आहे. पॉन्टिंगने ५१ सामन्यांत १९७१ धावा केल्या आहेत. विराट कोहलीला आता पॉन्टिंगचा हा जागतिक विक्रम मोडण्यासाठी केवळ १९९ धावांची गरज आहे. सध्या खेळत असलेल्या खेळाडूंमध्ये केवळ केन विल्यमसन (१२३९) आणि रोहित शर्मा (११२३) हे विराटच्या आसपास आहेत, मात्र विराट आता या शर्यतीत बराच पुढे निघून गेला आहे.
