Virat Kohli Broke Michael Bevan World Record : भारतीय क्रिकेट संघाचे दिग्गज खेळाडू विराट कोहली आणि रोहित शर्मा सध्या विजय हजारे ट्रॉफी २०२५ मध्ये आपल्या बॅटची जादू दाखवत आहेत. या स्पर्धेच्या पहिल्याच सामन्यात दोघांनीही शतके झळकावून दणदणीत पुनरागमन केले होते. आता दुसऱ्या सामन्यातही विराट कोहलीने आपली शानदार फॉर्म कायम राखत एका मोठ्या जागतिक विक्रमाला गवसणी घातली आहे. गुजरातविरुद्ध विराटची तुफानी खेळी – दिल्ली आणि गुजरात यांच्यातील सामना बंगळुरू येथील ‘सेंटर ऑफ एक्सलन्स’च्या मैदानावर पार पडला. या सामन्यात दिल्लीची सलामीची जोडी प्रियांश आर्य आणि अर्पित राणा स्वस्तात बाद झाल्यानंतर विराट कोहली तिसऱ्या क्रमांकावर फलंदाजीला आला. विराटने मैदानावर उतरताच आक्रमक पवित्रा घेतला. त्याने अवघ्या ६१ चेंडूत ७७ धावांची वेगवान खेळी केली. या खेळीत त्याने १३ चौकार आणि १ गगनभेदी षटकार लगावला. विराटने मायकल बेवनला टाकले मागे – या अर्धशतकी खेळीसह विराटने ‘लिस्ट ए’ (List A) क्रिकेटमध्ये एक ऐतिहासिक टप्पा गाठला आहे. विराटने आता लिस्ट ए क्रिकेटमध्ये सर्वाधिक फलंदाजी सरासरीचा विक्रम आपल्या नावे केला आहे. त्याने ऑस्ट्रेलियाचे महान फलंदाज मायकल बेवन यांचा अनेक वर्षांचा विक्रम मोडीत काढला. विराटने आता ५७.८७ च्या सरासरीने धावा केल्या आहेत, तर बेवन यांची सरासरी ५७.८६ होती. हेही वाचा – Ben Stokes : ‘कारकीर्दीतील सर्वात कठीण काळ!’, स्टोक्सची कबुली; बेन डकेटच्या मद्यधुंद व्हिडीओने पेटला वाद लिस्ट ए क्रिकेटमध्ये सर्वाधिक सरासरी असलेले अव्वल ५ फलंदाज: फलंदाज देश सरासरी विराट कोहली भारत ५७.८७ मायकल बेवन ऑस्ट्रेलिया ५७.८६ सॅम हेन इंग्लंड ५७.७६ चेतेश्वर पुजारा भारत ५७.०१ ऋतुराज गायकवाड भारत ५६.६८ हेही वाचा – Rohit Sharma Duplicate : कोण आहे रोहित शर्माचा डुप्लिकेट? ज्याचा ‘हिटमॅन’सोबतचा फोटो होतोय तुफान व्हायरल दुसरीकडे, भारतीय कर्णधार रोहित शर्माला मात्र दुसऱ्या सामन्यात पहिल्या सामन्यासारखी कामगिरी करता आली नाही. पहिल्या सामन्यात शतक झळकावल्यानंतर दुसऱ्या सामन्यात त्याला मोठी धावसंख्या उभारता आली नाही. मात्र, विराट कोहलीच्या या सातत्यपूर्ण कामगिरीमुळे दिल्ली संघाला बळकटी मिळाली असून चाहत्यांमध्ये उत्साहाचे वातावरण आहे.
