Vaibhav Suryavanshi Century : दक्षिण आफ्रिकेविरुद्धच्या तिसऱ्या आणि अंतिम यूथ वनडे सामन्यात भारताच्या युवा संघाने दमदार कामगिरी केली आहे. भारतीय अंडर-19 संघाचा स्टार फलंदाज वैभव सूर्यवंशीने आपल्या बॅटिंगने पुन्हा सर्वांचे लक्ष वेधून घेतले असून, त्याने दक्षिण आफ्रिका ‘ए’ विरुद्ध केवळ ७४ चेंडूत १२७ धावांची स्फोटक खेळी साकारली. या खेळीत त्याने ९ चौकार आणि १० उत्तुंग षटकार ठोकले. मैदानावर सूर्यवंशीचा धुमाकूळ – यजमान दक्षिण आफ्रिकेने नाणेफेक जिंकून भारताला प्रथम फलंदाजीसाठी पाचारण केले होते. वैभवने या संधीचे सोने करत सुरुवातीपासूनच आक्रमक पवित्रा घेतला. त्याने अवघ्या २४ चेंडूत अर्धशतक पूर्ण केले, तर ६३ चेंडूत आपले शतक झळकावले. सलामीवीर आरोन जॉर्जसोबत त्याने पहिल्या विकेटसाठी २२७ धावांची भक्कम भागीदारी केली. वैभव बाद झाल्यानंतर आरोन जॉर्जनेही आपले शतक पूर्ण करत भारताची स्थिती मजबूत केली. दुसऱ्या सामन्यातही गाजवला होता पराक्रम – वैभवची ही खेळी म्हणजे अपघाती चमक नव्हती. ५ जानेवारी रोजी झालेल्या दुसऱ्या यूथ वनडे सामन्यातही त्याने केवळ २४ चेंडूत ६८ धावांची तुफानी खेळी केली होती, ज्यात १० षटकारांचा समावेश होता. त्याच्या या कामगिरीमुळे भारताने तो सामना ८ विकेट्सनी जिंकून मालिकेत २-० अशी विजयी आघाडी घेतली होती. हेही वाचा – ICC Rule : बांगलादेश आपल्याच जाळ्यात अडकला; आयसीसीचा ‘तो’ नियम येणार अंगलट १५ जानेवारीपासून अंडर-१९ वर्ल्ड कपचा थरार – अंडर-१९ वर्ल्ड कपला सुरुवात होण्यापूर्वी वैभव सूर्यवंशीचा हा फॉर्म भारतीय संघासाठी अत्यंत दिलासादायक आहे. भारताचा समावेश ग्रुप ‘बी’मध्ये असून त्यांच्यासोबत न्यूझीलंड, अमेरिका आणि बांगलादेश हे संघ आहेत. भारताचे वेळापत्रक (ग्रुप स्टेज): १५ जानेवारी: विरुद्ध अमेरिका (क्वीन्स स्पोर्ट्स क्लब, बुलावायो) १७ जानेवारी: विरुद्ध बांगलादेश (क्वीन्स स्पोर्ट्स क्लब, बुलावायो) २४ जानेवारी: विरुद्ध न्यूझीलंड (क्वीन्स स्पोर्ट्स क्लब, बुलावायो) हेही वाचा – Mohammed Shami : मोहम्मद शमीला निवडणूक आयोगाची नोटीस; काय आहे नेमकं प्रकरण? अंडर-१९ वर्ल्ड कपसाठी भारतीय संघ: आयुष म्हात्रे (कर्णधार), विहान मल्होत्रा (उपकर्णधार), वैभव सूर्यवंशी, एरॉन जॉर्ज, वेदांत त्रिवेदी, अभिज्ञान कुंडू (यष्टीरक्षक), हरवंश सिंह (यष्टीरक्षक), आर.एस. अंबरीश, कनिष्क चौहान, खिलन ए. पटेल, मोहम्मद एनान, हेनिल पटेल, डी. दीपेश, किशन कुमार सिंह, उद्धव मोहन.
