Thackeray brother : आगामी मुंबई महापालिका निवडणुकीकडे सर्वजण लक्ष लावून आहेत. गेल्या काही दिवसांपासून निवडणुकीच्या पार्श्वभूमीवर मोठ्या घडामोड्या घडताना दिसत आहेत. या घडामोडींमध्ये ‘ठाकरे बंधू’ एकत्र येणार असल्याची जोरदार चर्चा आहे. मुंबई महापालिकेची निवडणूक जाहीर केल्यानंतर हालचालींना वेग आला असून, पडद्यामागच्या राजकारणाची चर्चा सुरू झाली आहे. उद्धव ठाकरे आणि राज ठाकरे दोघे कधी अधिकृतपणे युतीची घोषणा करणार याकडे नजरा लागलेल्या आहेत. उबाठा गटाचे नेते खासदार संजय राऊत यांनी मंगळवारी १६ डिसेंबर रोजीच्या पत्रकार परिषदेतून ठाकरे बंधू आठवड्याभरात एकत्र येणार असल्याचे संकेत दिले आहेत. यामुळे ठाकरे बंधू महापालिका निवडणुकीच्या पार्श्वभूमीवर एकत्र येणार असल्याचे जवळपास निश्चित मानले जात आहे. आता याबाबत काही महत्वाची आणि मोठी माहिती समोर आली आहे. पुन्हा ग्रँड एन्ट्री? १८ वर्षांनंतर राज ठाकरे आणि उद्धव ठाकरे मराठीच्या मुद्यावर मुंबईतील वरळी येथील डोम सभागृह एकत्र आले होते. मराठीच्या मुद्यावर एकत्र आल्याचे दोघांनीही स्पष्ट केले होते. तसेच या एकत्र येण्याने त्यांनी भविष्यात राजकीय युतीची चाहूल दिली होती. तेव्हापासूनच खऱ्या अर्थांने चर्चांना सुरूवात झाली. हा सोहळा ग्रँड पद्धतीने पार पडला. आता अशाच प्रकारे पुन्हा एकत्र येत राज आणि उद्धव युतीची अधिकृती घोषणा करतील, महत्वाचे म्हणजे अवघ्या दोन ते तीन दिवस अगोदर म्हणजेच २३ डिसेंबरपासून उमेदवारी अर्ज भरण्याच्या अगोदर युतीची घोषणा करतील अशी माहिती समोर आली आहे. पुन्हा एकदा एकाच व्यासपीठावर दोघेही भाऊ एकत्र येत जोरदार शक्तीप्रदर्शन करणार असल्याचे सांगितले जात आहे. दोघांनाही पुन्हा एकत्र पाहण्यासाठी दोन्ही पक्षातील पदाधिकारी, कार्यकर्ते आतुर झाले आहेत. याचा फायदा मुंबईसह ठाणे, नाशिक महापालिका निवडणुकीसाठी होईल, असा अंदाज वरिष्ठ नेत्यांनी बांधलेला आहे. तसेच अशीही एक माहिती समोर आली आहे की, युतीची घोषणा करतानाच ठाकरे बंधू उमेदवारांची यादी आणि निवडणुकीचा जाहीरनामाही देखील प्रसिद्ध करण्याची शक्यता आहे. ठाकरे गट आणि मनसे यांच्यात जागावाटपाची बोलणी सुरु असून, ती अंतिम टप्प्यात येऊन पोहचली आहे. त्यानंतर पहिली उमेदवारी यादी युतीच्या घोषणेवेळीच प्रसिद्ध करण्याचा ठाकरे बंधूंचा प्रयत्न असल्याचे समजते. नेमकं काय होणार? मात्र, अद्याप याबाबत अधिकृत माहिती समोर आलेली नाही. पण पुन्हा एकदा ग्रँड शो, ग्रँड एन्ट्री आणि भाषणातून ठाकरे शैलीतून काय बोलणे जाणार? कशा पद्धतीने याची आखणी केली जाणार की आणखी काही वेगळेच घडणार? यासाठी काही दिवसांची वाट पाहावी लागणार आहे. ‘असा’ असेल मतदानाचा कार्यक्रम नामनिर्देशन पत्र स्वीकारणे : 23 डिसेंबर ते 30 डिसेंबर अर्जाची छाननी : 31 डिसेंबर उमेदवारी माघारीची मुदत : 2 जानेवारी चिन्ह वाटप आणि अंतिम उमेदवार यादी : 3 जानेवारी मतदान : 15 जानेवारी निकाल : 16 जानेवारी हेही वाचा : पिंपरीत दोन्ही राष्ट्रवादी एकत्र? अजित पवारांकडे एकत्रित लढण्याचा दिला प्रस्ताव
