Amisha Patel : ज्येष्ठ अभिनेते धर्मेंद्र यांचे काल वृद्धपकाळाने निधन झाले. त्यांनी वयाच्या ८९ व्या वर्षी अखेरचा श्वास घेतला. गेल्या काही दिवसांपूर्वीच त्यांना रुग्णालयातून डिस्चार्ज देण्यात आला होता. पण काल त्यांची प्राणज्योत मालवली. त्यांच्या निधनानंतर बॅालीवूडवर शोककळा पसरली आहे. काल सोमवारी मुंबईत त्यांच्यावर अत्यंसंस्कार करण्यात आले. यावेळी बॅालीवूडमधील सलमान खान, शाहरुख खानपासून अनेक सेलिब्रेटींनी त्यांना आदरांजली अर्पण केली. त्यांच्या निधनाने चाहत्यांना धक्का बसला आहे. अभिनेत्री अमिषा पटेल हिला देखील धर्मेंद्र यांच्या निधनाने दुःख झाले आहे. आमिषा न्यू यॉर्कमध्ये असल्याने तिला धर्मेंद्र यांच्या अत्यंसंस्कारला उपस्थित राहता आले नाही. तिने धर्मेंद्र यांच्या कुटुंबाशी देखील कोणताही संवाद साधलेला नाही. याबद्दल अभिनेत्रीने एका न्यूज चॅनेलशी बोलताना सांगितले. तिने अद्याप देओल कुटुंबाशी संपर्क साधलेला नाही, कारण तिला वाटते की सध्या कुटुंबाला एकांताची आवश्यकता आहे. न्यूज 18 शी बोलताना आमिषा म्हणाली, “मी अद्याप देओल कुटुंबातील कोणत्याही सदस्याशी बोललेले नाही. ते खूप भावनिक काळातून जात आहेत. मला त्यांना त्रास द्यायचा नाहीये. त्यांच्याकडे आधीच खूप लोक येत आहेत आणि जात आहेत, त्यांना फोन करत आहेत. अशावेळी त्यांनी स्वतःची काळजी घेण्याची आणि काही वेळ एकटे घालवण्याची गरज आहे”. असे मत तिने व्यक्त केले. आमिषाने सांगितली आठवण ज्यावेळी धर्मेंद्र यांना रुग्णालयात प्रकृतीच्या कारणास्तव भरती करण्यात आले होते. त्यावेळी आमिष सुद्धा धर्मेंद्र यांना पाहण्यासाठी रुग्णालयात गेली होती. त्यावेळीची परिस्थिती कशी होती, याबद्दलही अभिनेत्री सांगितले. “वातावरण खूप तणावपूर्ण होते आणि त्यावेळी त्यांना एकटे सोडण्याची गरज होती. धरमजींची प्रकृती खूपच गंभीर होती. शाहरुख, सलमान किंवा मी… आम्ही सगळे तिथे फक्त दहा मिनिटांसाठी गेलो होतो, सनीला मिठी मारण्यासाठी. सनीला स्वतः हा धक्का समजू शकला नाही, कारण हा धक्का त्याला सर्वात जास्त आवडणाऱ्या व्यक्तीबद्दल होता.” अशी आठवण आमिषाने सांगितली. हेही वाचा : ‘क्योंकी सास भी कभी बहू थी’ फेम अभिनेत्री आश्लेषा सावंत अडकली विवाहबंधनात
