Sara Tendulkar | Sachin Tendulkar : भारतीय क्रिकेटचा मानबिंदू सचिन तेंडुलकर याची कन्या सारा तेंडुलकर ही तिच्या फॅशन सेन्स आणि साधेपणासाठी नेहमीच चर्चेत असते. मात्र, सध्या साराच्या एका व्हायरल फोटोमुळे सोशल मीडियावर संमिश्र प्रतिक्रिया उमटत आहेत. नवीन वर्षाचे स्वागत करण्यासाठी सारा तेंडुलकर आपल्या मित्र-मैत्रिणींसोबत सध्या गोव्यात सुट्ट्यांचा आनंद घेत आहे. यादरम्यान सारा रस्त्यावरून चालत असतानाचा एक फोटो समोर आला आहे. या फोटोत तिच्या हातात एक बाटली दिसत असून, ती ‘बिअर’ची बाटली असल्याचा दावा काही नेटकऱ्यांकडून केला जात आहे. साराचा हा लूक व्हायरल झाल्यानंतर सोशल मीडिया प्लॅटफॉर्मवर विविध चर्चा सुरू झाल्या आहेत. काही युजर्सनी नाराजी व्यक्त करत म्हटले आहे की, “सचिन तेंडुलकर सारख्या दिग्गज व्यक्तिमत्त्वाच्या कन्येने सार्वजनिक ठिकाणी असे वागणे योग्य नाही.” साराच्या शांत प्रतिमेला हा फोटो छेद देणारा असल्याचे काहींचे मत आहे. तर दुसऱ्या बाजूला साराचे चाहते तिची पाठराखण करत आहेत. “ती आता सज्ञान (Adult) असून तिला तिचे आयुष्य स्वतःच्या मर्जीने जगण्याचा अधिकार आहे,” असे मत तिचे समर्थक मांडत आहेत. तसेच, ती बाटली नेमकी कशाची आहे, याबद्दल स्पष्टता नसताना केवळ फोटोवरून टीका करणे चुकीचे असल्याचेही त्यांनी म्हटले आहे. दरम्यान, सारा तेंडुलकर सोशल मीडियावर प्रचंड सक्रिय असते. इन्स्टाग्रामवर तिचे लाखो फॉलोअर्स आहेत. तिचे शिक्षण, मॉडेलिंग प्रोजेक्ट्स आणि वैयक्तिक आयुष्यातील अपडेट्स जाणून घेण्यासाठी चाहते नेहमीच उत्सुक असतात. आतापर्यंत सारा तिच्या नम्र स्वभावासाठी ओळखली गेली आहे, त्यामुळे या नवीन वादामुळे सर्वत्र आश्चर्य व्यक्त होत आहे.
