sanjay raut | uddhav thackeray | raj thackeray : रुग्णालयात उपचार घेतल्यानंतर, शिवसेना (ठाकरे गट) खासदार संजय राऊत यांनी आज माध्यमांशी संवाद साधला. यावेळी, संजय राऊत यांनी भाजप आणि केंद्र सरकारवर तीव्र टीका केली. त्यांनी महाराष्ट्रातील महानगरपालिका निवडणुकीबद्दलही प्रश्न उपस्थित केले. संजय राऊत म्हणाले, “माझ्यासारखा माणूस निष्क्रिय बसू शकत नाही. माझी तब्येत सुधारत आहे. मी डिसेंबरपर्यंत पूर्णपणे बरा होईन.” राऊत म्हणाले, “यापूर्वी कधीही इतका मोठा पैशाचा खेळ झाला नव्हता. सत्ताधारी पक्षाच्या नेत्यांकडून प्रचारासाठी हेलिकॉप्टर आणि विमानांचा वापर केला जात आहे. लक्ष्मीचे दर्शन कुठे होत आहे याची निवडणूक आयोगाने दखल घ्यावी. महानगरपालिका निवडणुकीत पैशाचा महापूर येतो.” राज ठाकरे यांच्या युतीनंतर भाजपचा पराभव निश्चित.! राज ठाकरे यांच्या युतीनंतर भाजपचा पराभव निश्चित असल्याचे राऊत म्हणाले. उद्धव ठाकरे आणि राज ठाकरे यांच्यात चांगल्या चर्चा सुरू आहेत. राज ठाकरे यांनी महाविकास आघाडीसोबत राहणे महत्त्वाचे आहे. भाजप हा मुंबईचा खरा शत्रू आहे. मोदी, शहा आणि अदानी मुंबईला महाराष्ट्रापासून वेगळे करण्याचा प्रयत्न करत आहेत. महायुतीतील तिन्ही पक्षांमध्ये जोरदार लढाई सुरू आहे. असं देखील ते यावेळी म्हणाले.
