पुणे – चांदणी चौकातील रस्ता रुदीकरणामुळे चौकातील कोंडी सुटली. वनाजपर्यंत आलेलेली मेट्रो लवकरच चांदणी चौकात पोहोचेल. विकासकामाला गती देण्यासाठी मतदारांनी विशेषत: लाडक्या बहिणींची खंबीर साथ मिळावी आणि ती मिळेल, असा विश्वास प्रभाग १० मधील भाजपच्या अधिकृत उमेदवारांनी व्यक्त केला. प्रभाग १० बावधन-भुसारी काॅलनी येथील भारतीय जनता पक्षाचे अधिकृत उमेदवार किरण दगडे पाटील, अल्पना गणेश वरपे, रूपाली सचिन पवार, दिलीप वेडेपाटील यांनी बावधन आणि भुसारी काॅलनीतील सोसायट्यांना भेटी देऊन नागरिकांशी संवाद साधला. महिलांनी औक्षण आणि पुष्पवृष्टी करत उमेदवारांचे स्वागत केले. मागील पाच वर्षांत केलेल्या विकासकामाचे कौतुक करत, सोसायटी परिसरात असलेल्या समस्या मांडल्यावर उमेदवारांनी तात्काळ उपाययोजनाचे अश्वासन दिले. भीमसेन कट्टा, वृंदावन सोसायटी, मोतिराम कॉम्प्लेक्स, अवंती सोसायटी, शिवमुद्रा अपार्टमेंट, मंगलमूर्ती पार्क, राहुल टॅावर्स, उजवी भुसारी काॅलनीतील श्री गणेश मंडळ, क्रांती मित्रमंडळ, छत्रपती शिवाजी महाराज मंदिर, गजराज स्नेह मंडळांना भेटी देऊन संवाद साधला, तसेच वेदभवन येथील भागवत सप्ताहात देवदर्शन घेऊन, रोहन मधुबन येथील आरएसएस शाखेला भेट देऊन चर्चा केली. या वेळी नागरिकांनी उत्स्फूर्त प्रतिसाद मिळाला. दादा, अण्णा, ताई आपण केलेले काम सांगते, त्यामुळे तुम्हाला आमचा पाठिंबा आहे, असा विश्वास नागरिकांनी उमेदवारांना दिला.
