Jemimah Rodrigues cryptic post viral : भारतीय महिला क्रिकेट संघाची स्टार खेळाडू स्मृती मानधना आणि संगीतकार पलाश मुच्छल यांनी अखेर त्यांचे नातेसंबंध संपुष्टात आणल्याची अधिकृत घोषणा केली आहे. स्मृतीने इन्स्टाग्रामवर पोस्ट करत लग्न रद्द झाल्याचे जाहीर केले, तर काही वेळाने पलाशनेही त्यांच्या नात्याचा शेवट झाल्याचे स्पष्ट केले. या घोषणेनंतर दोघांनीही सोशल मीडियावर एकमेकांना अनफॉलो केले असून, स्मृतीने लग्नासंबंधीचे सर्व फोटो आणि व्हिडीओदेखील डिलीट केले आहेत. जेमिमाच्या पोस्टने वेधलं लक्ष – या संपूर्ण घडामोडीदरम्यान, स्मृतीची खास मैत्रीण आणि सहकारी क्रिकेटपटू जेमिमा रॉड्रिग्ज हिने केलेली एक पोस्ट सध्या चर्चेचा विषय ठरली आहे. स्मृती आणि पलाश यांचा विवाह २३ नोव्हेंबर रोजी होणार होता, पण स्मृतीच्या वडिलांची अचानक प्रकृती बिघडल्यामुळे तो स्थगित करण्यात आला होता. यानंतर पलाश मुच्छल आणि त्यांच्या नात्याबद्दल सोशल मीडियावर अनेक चर्चा सुरू होत्या. स्मृती आणि जेमिमा या दोघींमध्ये खूप घट्ट मैत्री आहे. स्मृतीच्या लग्नासाठी जेमिमाने ऑस्ट्रेलियातील वुमन्स बिग बॅश लीग स्पर्धा अर्ध्यातून सोडून सांगली गाठले होते. लग्न सोहळा स्थगित झाल्यानंतरही या कठीण काळात स्मृतीला आधार देण्यासाठी जेमिमाने परतीचा निर्णय टाळला. तिच्या संघाने जेमिमा परत येत नसल्याची घोषणा केल्यावर तिचे खूप कौतुक झाले होते. जेमिमाने स्मृती-पलाशच्या साखरपुड्याचा व्हिडीओही शेअर केला होता, जो तिने आता डिलीट केला आहे. हेही वाचा – International Shooting World Cup : आंतरराष्ट्रीय नेमबाजी विश्वचषक स्पर्धेत सिमरनप्रीत कौरला सुवर्ण तर ऐश्वर्य तोमरला रौप्य पदक जेमिमाने शेअर केली क्रिप्टीक पोस्ट – स्मृती-पलाश यांच्या ब्रेकअपच्या घोषणेनंतर जेमिमाने तिच्या इन्स्टाग्राम स्टोरीवर एका बँडचा व्हिडीओ शेअर केला. यामध्ये तो बँड ऑलिव्हिया डीनचं ‘मॅन आय नीड’ हे गाणं गाताना दिसतोय. या गाण्यातील ‘बी द मॅन आय नीड’ या वाक्याने चाहत्यांचे लक्ष वेधले आहे. चाहते या पोस्टचा थेट संबंध स्मृतीच्या वैयक्तिक आयुष्याशी जोडत आहेत. स्मृतीला नेहमीच पाठिंबा देणाऱ्या जेमिमाने या व्हायरल पोस्टद्वारे अप्रत्यक्षपणे तिच्यासोबत खंबीरपणे उभी असल्याची भावना व्यक्त केली आहे. हेही वाचा – AUS VS ENG : पिंक बॉल टेस्टमध्ये इंग्लंडची शरणागती; ऑस्ट्रेलियाचा 8 गडी राखून विजय दरम्यान, आता भारतीय महिला संघ २१ डिसेंबरपासून श्रीलंकेविरुद्ध सुरू होणाऱ्या टी-२० मालिकेत खेळताना दिसेल. या मालिकेत स्मृती मानधना सहभागी होणार की नाही, याकडे क्रिकेट चाहत्यांच्या नजरा लागल्या आहेत.
