IND vs SA T20I head to head Records : भारत आणि दक्षिण आफ्रिका यांच्यातील एकदिवसीय मालिकेनंतर आता पाच सामन्यांची टी-२० मालिका खेळवली जाणार आहे. मालिकेचा पहिला सामना मंगळवारी (९ डिसेंबर) कटक येथे होणार आहे. कसोटी मालिकेत आफ्रिकेने बाजी मारल्यानंतर, भारताने एकदिवसीय मालिकेत २-१ ने विजय मिळवत चांगली कामगिरी केली आहे. आता टी-२० मालिकेसाठी भारतीय संघाची धुरा सूर्यकुमार यादवच्या खांद्यावर असेल, तर आफ्रिकेचे नेतृत्व एडेन मार्करम करेल. टी-२० मध्ये भारताचे पारडे जड – टी-२० आंतरराष्ट्रीय क्रिकेटमध्ये भारत आणि दक्षिण आफ्रिका यांच्यात आतापर्यंत एकूण ३१ सामने झाले आहेत. यापैकी १८ सामन्यांमध्ये भारताने विजय मिळवला आहे, तर आफ्रिकेने १२ सामने जिंकले आहेत. एका सामन्याचा कोणताही निकाल लागला नाही. या आकडेवारीवरून स्पष्ट होते की टी-२० क्रिकेटमध्ये दक्षिण आफ्रिकेविरुद्ध भारतीय संघाचे पारडे नेहमीच जड राहिले आहे. गेल्या १० वर्षांपासून द. आफ्रिका मालिका विजयाच्या प्रतिक्षेत – भारतामध्ये टी-२० मालिका जिंकणे द. आफ्रिकेसाठी नेहमीच कठीण राहिले आहे. आफ्रिकेने भारताविरुद्ध आतापर्यंत फक्त दोनदाच द्विपक्षीय टी-२० मालिका जिंकली आहे. पहिली मालिका २०१२ मध्ये झाली होती, जी फक्त एका सामन्याची होती. यानंतर, २०१५ मध्ये आफ्रिकेने तीन सामन्यांची मालिका २-० ने जिंकली होती. तेव्हापासून, म्हणजेच गेल्या १० वर्षांपासून, दक्षिण आफ्रिकेला भारताविरुद्ध कोणतीही टी-२० मालिका जिंकता आलेली नाही. हेही वाचा – Jemimah Rodrigues : स्मृती-पालाशचं लग्न रद्द झाल्यानंतर जेमिमाची ‘बी द मॅन आय नीड’ स्टोरी चर्चेत स्टार खेळाडूंची उपस्थिती – या टी-२० मालिकेसाठी दोन्ही संघात उत्कृष्ट आणि स्टार खेळाडूंचा समावेश आहे, ज्यामुळे ही मालिका अत्यंत रोमांचक होण्याची अपेक्षा आहे. भारतीय संघात कर्णधार सूर्यकुमार यादवसोबत शुबमन गिल, अभिषेक शर्मा, संजू सॅमसन आणि हार्दिक पांड्या यांसारखे स्टार फलंदाज आहेत. दुसरीकडे, एडन मार्करमच्या नेतृत्वाखालील आफ्रिकन संघात डेवाल्ड ब्रेविस, रीझा हेंड्रिक्स, डेव्हिड मिलर आणि क्विंटन डी कॉक यांसारखे विस्फोटक खेळाडू आहेत. टी-२० मालिकेसाठी दोन्ही संघांचे संघ : भारत : सूर्यकुमार यादव (कर्णधार), शुबमन गिल, अभिषेक शर्मा, तिलक वर्मा, हार्दिक पंड्या, जसप्रीत बुमराह, वरुण चक्रवर्ती, अर्शदीप सिंग, कुलदीप यादव, हर्षित राणा, शिवम दुबे, अक्षर पटेल, जितेश शर्मा, संजू सॅमसन, वॉशिंग्टन सुंदर. हेही वाचा – International Shooting World Cup : आंतरराष्ट्रीय नेमबाजी विश्वचषक स्पर्धेत सिमरनप्रीत कौरला सुवर्ण तर ऐश्वर्य तोमरला रौप्य पदक दक्षिण आफ्रिका: एडन मार्करम (कर्णधार), डेवाल्ड ब्रेविस, रीझा हेंड्रिक्स, ट्रिस्टन स्टब्स, ओटनील बार्टमन, केशव महाराज, लुंगी एनगिडी, डेव्हिड मिलर, जॉर्ज लिंडे, कॉर्बिन बॉश, मार्को जेनसन, क्विंटन डी कॉक, डोनोवन फरेरा, एनरिक नॉर्खिया.
