IMDb Top10 Stars Of 2025: ‘सय्यारा’ चित्रपटातून रातोरात लोकप्रिय झालेले अहान पांडे आणि अनीत पड्डा यांनी अप्रतिम कामगिरी करत 2025 सालातील IMDb च्या सर्वात लोकप्रिय भारतीय स्टार्स यादीत अव्वल स्थान पटकावले आहे. आश्चर्याची गोष्ट म्हणजे या टॉप-10 यादीत शाहरुख खान आणि सलमान खान यांची नावे नाहीत. एवढेच नाही, तर चित्रपटाचे दिग्दर्शक मोहित सूरी IMDb च्या ‘मोस्ट पॉप्युलर इंडियन डायरेक्टर्स 2025’ यादीत प्रथम क्रमांकावर आहेत. ‘सय्यारा’ची ब्लॉकबस्टर यशोगाथा अहान पांडे आणि अनीत पड्डा यांच्या पदार्पणाची फिल्म ‘सय्यारा’ प्रदर्शित होताच ब्लॉकबस्टर ठरली. या चित्रपटाने अनेक विक्रम मोडले आणि या दोघांना देशभरात लोकप्रियतेच्या शिखरावर पोहोचवले. आता IMDb च्या 25 कोटींपेक्षा अधिक मासिक दर्शकांच्या पसंतीवर आधारित या रँकिंगमध्येही त्यांनी बाजी मारली आहे. यापूर्वी, दोघांनाही ऑगस्ट महिन्यात IMDb चा ‘ब्रेकआउट स्टार’ स्टॉर्मीटर अवॉर्ड मिळाला होता. अहान पांडेची प्रतिक्रिया “पहिल्याच चित्रपटासाठी IMDb च्या 2025 मधील सर्वात लोकप्रिय भारतीय स्टार्स यादीत पहिल्या क्रमांकावर येणे हा माझ्यासाठी स्वप्न साकारल्यासारखा क्षण आहे. ही मान्यता मला माझ्या कलेविषयी अधिक जबाबदार बनवते आणि भविष्यातील प्रवासाबद्दल उत्साहही वाढवते.” अहान पांडे यांनी दिग्दर्शक मोहित सूरी आणि आदित्य चोपडा यांचे विशेष आभार मानले. अनीत पड्डाची भावना IMDb यादीत दुसऱ्या स्थानावर असलेल्या अनीत पड्डाने सांगितले, “‘सय्यारा’ने माझे आयुष्य अशा पद्धतीने बदलले आहे, ज्याचा अर्थ मी अजूनही समजून घेते आहे. माझ्या कामामुळे विविध देशांतील आणि भाषांतील लोकांशी मी जोडली गेले, हे माझ्यासाठी खूप मोठे आहे.” IMDb – Most Popular Indian Stars 2025 (टॉप 10) 1. अहान पांडे 2. अनीत पड्डा 3. आमिर खान 4. ईशान खट्टर 5. लक्ष्य लालवानी 6. रश्मिका मंदाना 7. कल्याणी प्रियदर्शन 8. तृप्ती डिमरी 9. रुक्मिणी वसंत 10. ऋषभ शेट्टी IMDb – Most Popular Indian Directors 2025 1. मोहित सूरी 2. आर्यन खान 3. लोकेश कनगराज 4. अनुराग कश्यप 5. पृथ्वीराज सुकुमारन 6. आर.एस. प्रसन्ना 7. अनुराग बसु 8. डॉमिनिक अरुण 9. लक्ष्मण उतेकर 10. नीरज घेवन आर्यन खान… सर्वात तरुण आणि एकमेव वेब सिरीज दिग्दर्शक या यादीत आर्यन खान सर्वात कमी वयाचा चित्रपटकार ठरला असून, तो या यादीतील एकमेव वेब सिरीज दिग्दर्शक आहे. त्यांनी नेटफ्लिक्सवरील ‘द बॅड्स ऑफ बॉलीवूड’ या वेब सिरीजद्वारे दिग्दर्शनात पदार्पण केले.
