Abhijit Bichukale : बिग बॅास मराठीच्या चौथ्या सीझनमध्ये डॅा. अभिजित बिचुकले यांनी चाहत्यांचे लक्ष वेधून घेतले होते. खरंतर बिचुकले हे नेहमीच त्यांच्या विधानांमुळे चर्चेत असतात. नुकतीच बिग बॅासच्या चौथ्या सीझनमध्ये स्पर्धेक असलेली अभिनेत्री स्मिता गोंदवर हिने एका खास पार्टीचे आयोजन केले होते. या पार्टीला डॅा. अभिजित बिचुकले यांनी देखील हजेरी लावली होती. यावेळी त्यांनी केलेले एक विधान विशेष चर्चेत आहे. स्मिता गोंदकरने ‘बिग बॉस मराठी’चे रियूनियन करत खास पार्टीचे आयोजन केले होते. या पार्टीला अनेकांनी हजेरी लावली होती. पार्टीला आत्तापर्यंतच्या पाच सीझनपैकी अनेक स्पर्धेक सहभागी झाले होते. या पार्टीसाठी डॅा. अभिजित बिचुकले विशेष लूकमध्ये आले होते. त्यांचा एक व्हिडीओ सोशल मीडियावर व्हायरल झाला असून, सध्या बॉक्स ऑफिस गाजवणाऱ्या ‘धुरंधर’ चित्रपटाबाबत त्यांनी भाष्य केले आहे. “धुरंधर’सारखा मी दिसतो. ‘धुरंधर’ फिल्ममधलं जे कॅरेक्टर आहे ते 50-100 दिवसांत तुम्ही विसरून जाल. पण महाराष्ट्राचा अस्ली धुरंधर मी आहे डॉ. अभिजीत बिचुकले”. असे विधान अभिजित बिचुकले यांनी केले आहे. व्हायरल झालेल्या व्हिडीओत त्यांनी व्हाईट टी-शर्ट, ब्लॅक जॅकेट, काळा चष्मा आणि कपाळावर लाल रंगाचा टिळा असा लूक केला होता. अभिजीत बिचुकले यांना एक दिवस देशाचे पंतप्रधान आणि राष्ट्रपती व्हायचे आहे. याबाबत त्यांनी अनेकदा भाष्य केले आहे. राजकारणापासून सगळ्या गोष्टींवर ते आपले मत मांडत असतात. त्यांनी व्यक्त केलेले मत लोकं सिरीयसली घेत नाहीत, अशी एक चर्चा असते. सध्या निवडणुकीची रणधुमाळी राज्यात सुरू असून, या दरम्यान डॅा. अभिजित बिचुकले यांनी केलेल्या विधानची जोरदार चर्चा होत आहे. हेही वाचा : आज सोन्याच्या भावात वाढ की घसरण? ; वाचा आज १० ग्रॅमला किती मोजावी लागते किंमत ?
