Nora Fatehi : अभिनेत्री नोरा फतेही आणि भूषण कुमार यांच्यातील अफेअरच्या अफवांबद्दलची पाच वर्षे जुनी असणारी एक पोस्ट सोशल मीडियावर व्हायरल झाली आहे. त्यानंतर बॅालीवूड इंडस्ट्रीत अनेक उलट सुलट चर्चांना उधाण आले आहे. अभिनेत्री नोरा फतेही तिच्या लव्ह लाईफमुळे नेहमीच चर्चेत असते. अशातच नोरा फतेहीबद्दलची एक जुनी पोस्ट सोशल मीडियावर व्हायरल होत आहे. या पोस्टमध्ये नोरा फतेही आणि भूषण कुमार यांच्यातील अफेअरच्या अफवांबद्दल भाष्य करण्यात आले आहे. २०२२ मध्ये चित्रपट निर्मात्या दिव्या खोसला कुमारशी लग्न करूनही भूषण कुमारचे नोरा फतेहीसोबत प्रेमसंबंध होते अशी अफवा पसरण्यात आली होती. आता पुन्हा एकदा भूषण कुमार आणि नोरा फतेही यांच्या कथित अफेअरची चर्चा होत आहे. एका सोशल मीडिया इन्फ्लुएंसरने एक जुना व्हिडिओ रिशेअर केला आहे. संबंधित व्हिडीओच्या कमेंटमध्ये नोराने “वाह” असे लिहून आणि हसणारा इमोजी दिला आहे. नोराची हिच कमेंट आता विविध चर्चांना घडवून आणत आहे. मीडिया रिपोर्टनुसार, नोरा फतेही मोरोक्कन फुटबॉलपटू अशरफ हकीमीला डेट करत असल्याचे वृत्त आहे. तिने सध्या सुरू असलेल्या आफ्रिका कप ऑफ नेशन्स दरम्यान मोरोक्कोमधील काही झलक देखील शेअर केल्या, ज्यामध्ये तिने लाल जॅकेट आणि जीन्स परिधान केली होती. नोराच्या कामाच्या बाबतीत बोलायचे झाल्यास ती शेवटची २०२५ मध्ये आलेल्या ‘उफ ये सियाप्पा’ या चित्रपटात दिसली होती. आता ती लवकरच कन्नड चित्रपट ‘केडी: द डेव्हिल’ आणि तमिळ चित्रपट ‘कंचना ४’ मध्ये दिसणार आहे. हेही वाचा : आईचं घर हजार आठवणी…तिघी चित्रपटाचा टीझर प्रदर्शित; ‘या’ दिवशी येणार प्रेक्षकांच्या भेटीला
