BCCI on Mustafizur Rahman for IPL 2026 : भारत आणि बांगलादेश यांच्यातील बिघडलेल्या राजकीय संबंधांमुळे सध्या देशातील वातावरण तापलेले आहे. या वादाचे पडसाद आता आगामी ‘आयपीएल २०२६’ मध्ये उमटताना दिसत आहेत. बांगलादेशचा स्टार वेगवान गोलंदाज मुस्तफिजूर रहमान कोलकाता नाईट रायडर्सकडून (KKR) खेळणार की नाही, यावर सध्या देशभर चर्चा रंगली आहे. केकेआरवर टीकेची झोड – आयपीएल २०२६ च्या मिनी-लिलावात मुस्तफिजूर रहमान हा एकमेव बांगलादेशी खेळाडू होता, ज्याच्यावर बोली लागली. ९.२० कोटी रुपयांची मोठी रक्कम मोजून कोलकाता नाईट रायडर्सने त्याला आपल्या ताफ्यात सामील केले. मात्र, बांगलादेशबाबत असलेल्या संतापामुळे सोशल मीडियावर केकेआरला प्रचंड ट्रोल केले जात आहे. काही राजकीय नेत्यांनीही बांगलादेशी खेळाडूंच्या सहभागावर तीव्र आक्षेप नोंदवला आहे. ‘बांगलादेश शत्रू देश नाही’ – बीसीसीआयची चाहत्यांच्या तीव्र भावना असूनही बीसीसीआयने सध्यातरी बांगलादेशी खेळाडूंवर बंदी घालण्यास नकार दिला आहे. बोर्डाच्या एका वरिष्ठ अधिकाऱ्याने स्पष्ट केले की, “परिस्थिती संवेदनशील असली तरी आम्ही सरकारच्या संपर्कात आहोत. बांगलादेश हा शत्रू देश नसल्याने खेळाडूंवर बंदी घालण्याची शक्यता नाही. मुस्तफिजूर आयपीएलमध्ये खेळेल.” हेही वाचा – Ravichandran Ashwin : विराट-रोहितच्या निवृत्तीनंतर वनडे क्रिकेट संपुष्टात येणार? बचावासाठी अश्विनने दिला फिफा मॉडेलचा सल्ला सहभागावर टांगती तलवार; एनओसी आणि व्हिसाचा पेच – मुस्तफिजूर आयपीएल खेळणार असला तरी त्याच्या उपलब्धतेवर काही तांत्रिक अडचणी येऊ शकतात: एनओसी (NOC) चा प्रश्न: एप्रिलमध्ये बांगलादेशची न्यूझीलंडविरुद्ध मालिका आहे. राजकीय तणावामुळे बांगलादेश क्रिकेट बोर्ड (BCB) मुस्तफिजूरला एनओसी देण्यास नकार देऊ शकते किंवा खेळाडू स्वतःहून माघार घेऊ शकतो. व्हिसा अपडेट: २०२६ चा टी-२० विश्वचषक संपल्यानंतर अवघ्या १० दिवसांत आयपीएल सुरू होणार आहे. विश्वचषकासाठी बांगलादेशचा संघ भारतात येणार असून मुस्तफिजूरचा तोच व्हिसा आयपीएलसाठी वाढवून मिळण्याची शक्यता आहे. बीसीसीआय यासंदर्भात परराष्ट्र मंत्रालयाशी चर्चा करत आहे. हेही वाचा – Sarfaraz Khan : ‘सर्फराझची उपेक्षा होणे लाजिरवाणे!’ भारताचा माजी क्रिकेटपटू टीम मॅनेजमेंटवर संतापला केंद्र सरकारच्या निर्णयाकडे लक्ष – बीसीसीआयने या संपूर्ण प्रकरणाची माहिती केंद्र सरकार आणि परराष्ट्र मंत्रालयाला दिली आहे. अद्याप सरकारकडून कोणतेही अधिकृत निर्देश मिळालेले नाहीत. सूत्रांच्या माहितीनुसार, येत्या काही दिवसांत यावर अंतिम निर्णय होईल, परंतु खेळाडूंवर सरसकट बंदी येण्याची शक्यता कमीच आहे.
