पुणे : राज्य निवडणूक आयोगाने घोषित केलेल्या कार्यक्रमानुसार, पुणे जिल्ह्यातील 12 नगरपरिषदा आणि 3 नगरपंचायतींसाठी मंगळवारी (दि. 2) सरासरी 70.94 टक्के मतदान पार झाले. जिल्ह्यात सर्वाधिक मतदान इंदापूर नगरपरिषदेसाठी 79.89 टक्के तर सर्वात कमी मतदान तळेगाव दाभाडे नगपरिषदेसाठी 49.24 टक्के झाले. सकाळच्या संथगतीनंतर दुपार आणि सायंकाळी मतदान केंद्रांवर मतदारांनी मोठी गर्दी केल्याने अनेक ठिकाणी ७० टक्क्यांहून अधिक मतदान झाले आहे. या निवडणुकीत इंदापूर नगरपरिषद क्षेत्रात सर्वाधिक ७९.८९ टक्के मतदान झाले, तर तळेगाव दाभाडे येथे सर्वात कमी ४९.२४ टक्के मतदान नोंदवले गेले. या निवडणुकीचा निकाल तब्बल 19 दिवसांनी म्हणजेच रविवारी (दि. 21) मतमोजणीनंतर जाहीर होणार आहे. सकाळी सुरुवातीला काही शहरी प्रभागांत मतदानाचा वेग मंदावला असला तरी दुपारनंतर मतदारांनी मोठ्या प्रमाणावर गर्दी केली. अनेक केंद्रांवर तरुण मतदारांची उपस्थिती उल्लेखनीय होती. शाळा–महाविद्यालयातील प्रथमच मतदान करणाऱ्या युवक-युवतींमध्ये विशेष उत्साह पाहायला मिळाला. प्रशासनाकडून सुरळीत व शांततेत मतदान व्हावे यासाठी पुरेशा पोलिस बंदोबस्ताची व्यवस्था करण्यात आली होती. कुठेही अनुचित घटना नोंदवली गेली नाही. पुणे जिल्ह्यातील सर्व १५ ठिकाणांचे एकत्रित मतदान पाहता ग्रामीण व उपनगर भागांनी उच्च टक्केवारीने बाजी मारली, तर मुख्य शहरी भागांमध्ये मतदान टक्केवारी तुलनेने कमी राहिली. तज्ज्ञांच्या मते, स्थानिक मुद्दे, पाणीपुरवठा, रस्ते, कचरा व्यवस्थापन, स्थानिक स्वराज्य संस्थांची कामगिरी यांचा मतदारांच्या निर्णय प्रक्रियेवर विशेष प्रभाव दिसून आला. मतदानाची टक्केवारी नगरपरिषद इंदापूर – 79.89% जेजुरी – 78.06% भोर – 76.96% आळंदी – 75.66% चाकण – 74.28% लोणावळा – 71.34% शिरूर – 71.14% जुन्नर – 68.39% राजगुरूनगर – 68.87% सासवड – 66–67% दौंड – 59.32% तळेगाव दाभाडे – 49.24% नगरपंचायत माळेगाव – 77.19% मंचर – 74.19% वडगाव – 73.33%
