AUS vs ENG 4th Test 1st Day Highlights : ऑस्ट्रेलिया आणि इंग्लंड यांच्यातील प्रतिष्ठित ‘ॲशेस’ मालिकेतील चौथ्या कसोटी सामन्याचा पहिला दिवस गोलंदाजांनी गाजवला. मेलबर्न क्रिकेट ग्राउंडवर खेळल्या जाणाऱ्या या सामन्यात पहिल्याच दिवशी तब्बल २० गडी बाद झाले. दोन्ही संघांच्या फलंदाजांनी नांगी टाकल्याने दिवसभरात केवळ २६६ धावा फलकावर लागल्या. मात्र, या थरारक खेळानंतर यजमान ऑस्ट्रेलियाने पहिल्या डावाच्या जोरावर इंग्लंडवर ४६ धावांची महत्त्वपूर्ण आघाडी मिळवत आपली पकड घट्ट केली आहे. दरम्यान एका ऐतिहासिक विक्रमाची नोंदही झाली. ऐतिहासिक विक्रमांची झाली नोंद – MCG च्या इतिहासात पहिल्या दिवशी २० विकेट्स पडण्याची ही चौथी वेळ आहे. या कामगिरीमुळे २०२५/२६ च्या मालिकेतील हा सामना ऐतिहासिक ठरला आहे. यापूर्वी १९०१/०२ मध्ये ऑस्ट्रेलिया-इंग्लंड सामन्यात पहिल्या दिवशी सर्वाधिक २५ विकेट्स पडल्या होत्या. तर १९३१/३२ (वि. दक्षिण आफ्रिका) आणि १८९४/९५ (वि. इंग्लंड) मध्ये पहिल्या दिवशी २०-२० विकेट्स पडल्या होत्या. चालू मालिकेतील पर्थ कसोटीतही पहिल्या दिवशी १९ विकेट्स पडल्या होत्या, ज्यावरून ऑस्ट्रेलियन खेळपट्ट्यांचे आव्हान स्पष्ट होते. एमसीजीमध्ये एका दिवसात पडलेल्या सर्वाधिक विकेट्स : २५ विकेट्स: ऑस्ट्रेलिया वि. इंग्लंड, १९०१/०२ (दिवस १) २० विकेट्स: ऑस्ट्रेलिया वि. इंग्लंड, २०२५/२६ (दिवस १) २० विकेट्स: ऑस्ट्रेलिया वि. दक्षिण आफ्रिका, १९३१/३२ (दिवस १) २० विकेट्स: ऑस्ट्रेलिया वि. इंग्लंड, १८९४/९५ (दिवस १) हेही वाचा – Vaibhav Suryavanshi : वैभव सूर्यवंशीच्या शिरपेचात आणखी एक मानाचा तुरा! राष्ट्रपतींच्या हस्ते ‘या’ खास पुरस्काराने सन्मानित पहिल्या दिवसाचा खेळ – इंग्लंडने नाणेफेक जिंकून प्रथम गोलंदाजी करण्याचा निर्णय घेतला, जो सुरुवातीला योग्य ठरला. ऑस्ट्रेलियाचा पहिला डाव अवघ्या १५२ धावांत आटोपला. मात्र, प्रत्युत्तरात इंग्लंडची फलंदाजी त्याहूनही खराब ठरली. ऑस्ट्रेलियाच्या भेदक माऱ्यासमोर इंग्लंडचा संघ केवळ ११० धावांत गारद झाला. पहिल्या डावाच्या जोरावर ऑस्ट्रेलियाला ४२ धावांची आघाडी मिळाली. दिवसाचा खेळ संपला तेव्हा ऑस्ट्रेलियाने दुसऱ्या डावात बिनबाद ४ धावा केल्या असून, त्यांची एकूण आघाडी आता ४६ धावांची झाली आहे. हेही वाचा – MUM vs UTT : धक्कादायक! कॅच घेताना रोहितच्या साथीदाराला गंभीर दुखापत, तातडीने स्ट्रेचरवरून नेलं मैदानाबाहेर ऑस्ट्रेलियातील मैदानांचे ‘पिच’ रिपोर्ट ऑस्ट्रेलियातील खेळपट्ट्या पहिल्या दिवशी फलंदाजांसाठी नेहमीच आव्हानात्मक राहिल्या आहेत. चालू २०२५/२६ मालिकेचा विचार केल्यास, पर्थ कसोटीतही पहिल्या दिवशी १९ बळी पडले होते. सिडनी आणि ॲडलेडमध्येही यापूर्वी अशाच प्रकारची आकडेवारी पाहायला मिळाली आहे. मात्र, मेलबर्नमधील या कामगिरीने कसोटी क्रिकेटमधील थरार पुन्हा एकदा अधोरेखित केला आहे.
