Akshay Khanna : सध्या बॅाक्स अॅाफिसवर धुरंधर चित्रपटाने धुराळा उडवून दिला आहे. ५ डिसेंबर रोजी रिलीज झालेल्या या चित्रपटाने चारशे कोटींचा विक्रमी टप्पा पार केला आहे. आता चित्रपटाची ५०० कोटींच्या दिशेने वाटलाच सुरू झाली आहे. खरंतर धुरंधर या चित्रपटातून बऱ्याच दिवसांनी अभिनेता रणवीर सिंह हा कमबॅक करणार असल्याने चाहते त्याला पाहण्यासाठी आतुर झाले होते. चित्रपटाने रणवीरला प्रसिद्धी मिळवून दिली असली तर सोशल मीडियावर सगळीकडे धुरंधरमध्ये अॅानस्क्रिन रेहमान डकैतची भूमिका साकारणाऱ्या अभिनेता अक्षय खन्नाचे कौतुक केले जात आहे. धुरंधर पाहून प्रेक्षक आपल्या प्रतिक्रिया सोशल मीडियाच्या माध्यमातून देत आहेत. सगळेच जण चित्रपटातील अक्षय खन्नाच्या अभिनयाचे भरभरून कौतुक करत आहेत. धुरंधरने माऊथ पब्लिसिटीच्या जोरावर प्रेक्षकवर्ग आपल्याकडे खेचून आणण्यात यश मिळवले आहे. चित्रपटाची धुरंधर वाटचाल बॅाक्स अॅाफिसवर कायम आहे. सिनेविश्वातील अनेक कलाकारांनीही अक्षयच्या अभिनयाचे कौतुक केले आहे. या चित्रपटाने त्याला त्याच्या अभिनयाच्या कारकिर्दीला एका नव्या उंचीवर पोहोचवले आहे. अशातच आता याविषयी अभिनेता अक्षय खन्ना याने आपली पहिली प्रतिक्रिया दिली आहे. मुकेश छाब्राने धुरंधरची कास्टिंगबाबत रेहमान डकैतसाठी अक्षय खन्नाला रिकमेंड केले होते. एका मुलाखतीत मुकेश यांनी अक्षयला चित्रपटाला मिळालेल्या यशाबद्दल आणि त्याच्या भूमिकेचे होते असलेल्या कौतुकाबद्दल काय वाटते याबद्दल माहिती दिली आहे. यशाने फारसा फरक पडत नाही. पण त्याला ते खूप आवडले असल्याचे मुकशे छाब्रा यांनी मुलाखतीत सांगितले. नुकताच सोशल मीडियावर एक व्हिडीओ व्हायरल झाला असून या व्हिडीओत अक्षय खन्ना त्याच्या अलिबागच्या घरात निवांत वेळ घालवत असल्याचे दिसून आला. तिथे त्याने वास्तूशांतीची पूजाही केली आहे. धुरंधरनंतर चाहते अक्षय खन्नाच्या आगामी चित्रपटांची वाट पाहत आहेत. महाकाली हा त्याचा आगामी चित्रपट २०२६ मध्ये प्रदर्शित होणार आहे. या चित्रपटातील त्याचा फर्स्ट लूकही समोर आला आहे. हेही वाचा : नाशिकमध्ये पक्षासाठी मोठे आव्हान; एक मंत्री रुग्णालयात, दुसऱ्यावर अटकेची टांगती तलवार; अजित दादांच्या भूमिकेकडे लक्ष
