Abhishek Sharma : अभिषेक शर्मा भारताचा नवा सिक्सर किंग! रोहित-विराटलाही जे जमलं नाही, ते करुन दाखवलं

Abhishek Sharma Sixes record in 2025 : टीम इंडियात ‘हिटमॅन’ म्हणून ओळख रोहित शर्माची असली, तरी आता त्याच धर्तीवर तुफान फटकेबाजी करणारा अभिषेक शर्मा हा क्रिकेटमधील नवा ‘हिटमॅन’ म्हणून उदयास येत आहे. अभिषेकने एका नव्या विक्रमासह हे सिद्ध केले आहे. टी-20 क्रिकेटच्या एका कॅलेंडर वर्षात 100 पेक्षा जास्त षटकार मारणारा तो पहिला भारतीय फलंदाज बनला आहे. आयपीएल 2024 मध्ये सनरायझर्स हैदराबादकडून खेळताना अभिषेक शर्माने आपल्या स्फोटक फलंदाजीमुळे जगभरात लक्ष वेधले. याच दमदार प्रदर्शनामुळे त्याला टीम इंडियातही संधी मिळाली. भारत, दक्षिण आफ्रिका, यूएई आणि ऑस्ट्रेलियामध्ये टी-20 क्रिकेटमध्ये अभिषेकची ही विक्रम मोडणारी फलंदाजी पाहायला मिळाली आहे.

वर्षात 100 षटकार मारणारा पहिला भारतीय –

यापूर्वी अभिषेक शर्माने तुफानी शतक आणि सर्वात जलद 1000 टी-20 आंतरराष्ट्रीय धावांसारखे विक्रम केले आहेत. अभिषेकने आता 2025 मध्ये टी-20 फॉरमॅटमध्ये 100 हून अधिक षटकार मारण्याचा विक्रम केला. 6 डिसेंबर रोजी सैयद मुश्ताक अली ट्रॉफीमध्ये (SMAT) पंजाबकडून खेळताना त्याने सर्विसेजविरुद्धच्या सामन्यात 3 षटकार मारले. या 3 षटकारांसह 2025 मध्ये केवळ 36 टी-20 डावांमध्ये अभिषेकच्या नावावर 101 षटकार जमा झाले आणि तो हा टप्पा गाठणारा पहिला भारतीय फलंदाज ठरला.

हेही वाचा – Rohit Sharma : रोहित शर्माचा मोठा पराक्रम! आंतरराष्ट्रीय क्रिकेटमध्ये ‘ही’ कामगिरी करणारा ठरला चौथा भारतीय

अभिषेकने मोडला स्वत:चाच विक्रम मोडला –

अभिषेकने या बाबतीत आपलाच जुना विक्रम मोडला आहे. त्याने 2024 मध्ये 87 षटकार मारले होते, जो एका वर्षातील कोणत्याही भारतीय खेळाडूसाठी सर्वाधिक होता. या यादीत सूर्यकुमार यादव 2022 मधील 85 षटकारांसह तिसऱ्या क्रमांकावर आहे. जागतिक विक्रम वेस्ट इंडीजचा स्फोटक फलंदाज निकोलस पूरनच्या नावावर आहे, ज्याने 2024 मध्ये 170 षटकार मारले होते.

हेही वाचा – IND vs SA : ‘गो बॅक!’ रोहितने DRS वरुन कुलदीपची घेतली फिरकी, पाहा मजेशीर VIDEO

आयपीएल ते SMAT पर्यंत षटकारांची बरसात –

अभिषेकच्या या 101 षटकारांपैकी आंतरराष्ट्रीय क्रिकेटमध्ये त्याने 17 डावांमध्ये 47 षटकार मारले आहेत. याशिवाय, आयपीएल 2025 मध्ये त्याने 14 डावांत 28 षटकार लगावले. आंतरराष्ट्रीय आणि आयपीएलमधील 75 षटकारानंतर, उर्वरित 26 षटकार त्याने सय्यद मुश्ताक अली ट्रॉफीमध्ये केवळ 6 डावांमध्ये ठोकले आणि 100 षटकारांचा टप्पा पार केला.