Landmine Explosion : उत्तर कोरियाने सीमेजवळ पेरून ठेवलेल्या भूसुरुंगांच्या स्फोटात (Landmine Explosion) उत्तर कोरियाचे ३ सैनिक गेल्या महिन्यात जखमी झाल्याचा आरोप दक्षिण कोरियाने केला आहे. या स्फोटांबद्दल उत्तर कोरियाने माफी मागावी आणि सीमेजवळील अन्य सुरुंग हटवावेत अशी मागणी दक्षिण कोरियाने केली आहे.

दिनांक २१ सप्टेंबरला सीमेजवळ हे स्फोट (Landmine Explosion) झाले होते. स्फोट झालेले हे भूसुरुंग उत्तर कोरियाने पेरून ठेवले असण्याची दाट शक्यता दक्षिण कोरियाच्या प्राथमिक तपासणीमध्ये व्यक्त करण्यात आली होती. त्यानंतर या स्फोटांच्या मुद्द्यावरून जर दक्षिण कोरियाने काही चिथावणीखोर कृत्य केल्यास त्याला प्रत्युत्तर देण्याचा इशाराही उत्तर कोरियाने दिला होता.

मात्र आता हे सुरुंग उत्तर कोरियानेच पेरून ठेवले होते आणि या सुरुंगांच्या स्फोटात दक्षिण कोरियाच्या सैन्याचे गस्त घालणारे ३ सैनिक जखमी झाल्याचे तपासणीमध्ये निष्पन्न झाले असल्याचे दक्षिण कोरियाच्या जॉइंट चीफ ऑफ स्टाफनी म्हटले आहे. ही तपासणी अमेरिका आणि संयुक्त राष्ट्र कमांड, फॉरेन्सिक विश्‍लेषकांनी केली होती.

या स्फोटाच्या ठिकाणी उत्तर कोरियाने पेरून ठेवलेला आणखी एक सुरुंगही (Landmine Explosion) आढळून आला आहे. या प्रकरणी उत्तर कोरियाने माफी मागावी आणि आपले सुरुंग काढून घ्यावेत, अशी मागणीही दक्षिण कोरियाने केली आहे.