Land Dispute – पुरंदर तालुक्यातील गराडे परिसरातील ढोणेवाडी येथील हद्दीतील जमिनीच्या हक्कावरून आणि कंपाऊंडच्या कामावरून दोन कुटुंबात जोरदार हाणामारी झाली. यात दोन्ही बाजूंचे लोक जखमी झाले असून सासवड पोलिसांनी महिलेसह एकूण वीस जणांविरुध्द सासवड पोलीस स्टेशनमध्ये परस्पर विरोधी तक्रारीवरून गुन्हे दाखल केले आहेत. ही घटना दि. १४ रोजी सकाळी साडेदहाच्या सुमारास घडली. याप्रकरणी दोन्ही बाजूकडून परस्पर विरोधी तक्रारी देण्यात आलेल्या आहेत. पहिल्या घटनेमध्ये फिर्यादी समीर गोकुळ ढोणे (वय ३८) यांनी दिलेल्या तक्रारीनुसार फिर्यादी हे घराच्या पूर्व बाजूला असलेल्या जमिनीमध्ये आईबरोबर कंपाऊंडचे काम करीत होते. यावेळी आरोपी प्रदीप दिनकर ढोणे, दीपक महादेव ढोणे, दिनकर द्वारका ढोणे, शंकर द्वारका ढोणे, अनिता संतोष ढोणे, रूपाली प्रदीप ढोणे, उत्कर्ष संतोष ढोणे (सर्व राहणार गराडे, ता.पुरंदर) यांनी ही जागा आमची आहे, असे म्हणत वाद घातला. क्राइम न्यूज. आरोपींनी पाण्याचे पाईप आणि कंपाउंडची जाळी तोडली, तसेच समीर यांना लाथा बुक्क्यांनी आणि लाकडी काठीने मारहाण केली. यादरम्यान; कोणीतरी एकाने समीर याच्या डोक्यात दगड मारला, असे फिर्यादीमध्ये म्हटले आहे. त्यानुसार वरील सर्वांवर गुन्हे दाखल करण्यात आले आहेत. दुसऱ्या घटनेमध्ये रूपाली प्रदीप ढोणे (वय ३५) यांनी फिर्यादी आहे की, त्यांच्या तक्रारीनुसार गट नंबर 2131 मध्ये आरोपी विनोद गोकुळ ढोणे, समीर गोकुळ ढोणे, सुंदराबाई गोकुळ ढोणे, सुप्रिया विनोद ढोणे, रेश्मा समीर ढोणे (सर्व राहणार गराडे, ता. पुरंदर) रत्नाबाई मारुती ढोणे, राजेंद्र वसंत ढोणे, गुनाबाई वसंत ढोणे, सुभाष संजय ढोणे, वसंत भैरु ढोणे, गीतांजली विजय ढोणे, विजय मारुती ढोणे यांना शेडच्या कामाबद्दल विचारांना केली असता, आरोपींनी शिवीगाळ करत रूपाली यांच्या दिरांना दीपक ढोणे यांनी मारहाण केली. दरम्यान; मद्यधुंद अवस्थेमध्ये असलेल्या विनोद ढोणे याने काठीने दीपक यांना गंभीर मारहाण केली. तसेच “पुन्हा जमिनीत याल तर जिवे मारून टाकू,” अशी धमकी दिली. याप्रकरणी सासवड पोलिसांनी दोन्ही गटाविरुद्ध गुन्हे नोंद केले आहेत, या दोन्ही प्रकरणाचा अधिक तपास पोलीस हवालदार विनायक हाके करत आहेत.
