Dashavatar Movie Trailer : कोकणातील दशावतार या परंपरेवर आधारित गेल्या काही दिवसांपासून जोरदार चर्चा होत असलेल्या दशावतार या सिनेमाचा ट्रेलर अखेर प्रेक्षकांच्या भेटीला आला आहे. या सिनेमाचं पहिलं पोस्टर रिलीज झाल्यापासून सिनेमाची जोरदार चर्चा होत आहे. येत्या १२ सप्टेंबर या दिवशी दशावतार थिएटर्समध्ये प्रदर्शित होणार आहे. नुकताच या सिनमेचा ट्रेलर लॅान्च सोहळा मोठ्या दिमाखात पार पडला. झी स्टुडिओजने या सिनेमाची प्रस्तुती केली असून, ओशन फिल्म कंपनी आणि ओशन आर्ट हाऊसने या सिनेमाची निर्मिती केली आहे. ‘आवशीचो घो’ हे पहिलंच गाणं ज्यावेळी रिलीज झालं तेव्हापासूनच सिनेमाविषयी उत्सुकता निर्माण झाली होती. या सिनेमात मुख्य भूमिकेत ज्येष्ठ अभिनेते दिलीप प्रभावळकर आहेत. सिनेमाच्या ट्रेलरमध्ये दिसणाऱ्या दिलीप प्रभावळकर यांच्या भूमिकेविषयी मोठी उत्सुकता लागलेली आहे. सिनेमाच्या ट्रेलरला चांगला प्रतिसाद मिळताना दिसत आहे. प्रभावळकरांशिवाय सिनेमात महेश मांजरेकर, भरत जाधव, सिद्धार्थ मेनन, अभिनय बेर्डे, प्रियदर्शिनी इंदलकर अशा मराठी कलाकारांची फौज पाहायला मिळणार आहे. तसेच ज्येष्ठ रंगकर्मी विजय केंकरे, सुनील तावडे हे देखील महत्वाच्या भूमिकेत आहेत. या सिनेमाची कथा कोकणातील इरसाल माणसांचे नमुने, प्रथा-परंपरा, असलेल्या दशावतारी नाट्यकलेवर आधारित आहे. सिनेमाच्या ट्रेलरमध्ये गूढ, सपेन्स, थ्रील दाखविण्यात आलं आहे. हेही वाचा : Ashutosh Rana: “रावणनंतर आता कृष्ण, चाणक्य आणि कर्ण व्हायचंय”; आशुतोष राणा
