कोलकाता – आरजी कार मेडिकल कॉलेज आणि हॉस्पिटलच्या सुमारे 50 डॉक्टरांनी राजीनामा दिला. बलात्कार पीडितेला न्याय मिळावा या मागणीसाठी आमरण उपोषण करणाऱ्या डॉक्टरांनी एकजुट दाखवत डॉक्टरांनी राजीनामा दिला आहे.

मंगळवारी सकाळी सरकारी रुग्णालयातील विविध विभागांच्या प्रमुखांच्या बैठकीत सामूहिक राजीनामा देण्याचा निर्णय घेण्यात आल्याचे आरोग्य सुविधेतील सूत्रांनी सांगितले.

एका वरिष्ठ डॉक्टरने पीटीआय वृत्तसंस्थेला सांगितले की, “आज विभागप्रमुखांच्या बैठकीत हा निर्णय घेण्यात आला आहे. आमच्या रुग्णालयातील सर्व 50 वरिष्ठ डॉक्टरांनी त्यांच्या राजीनाम्याच्या पत्रांवर स्वाक्षरी केली आहे. न्याय मिळण्यासाठी लढणाऱ्या तरुण डॉक्टरांप्रती आमची एकता व्यक्त करण्यासाठी हे पाऊल उचलले आहे, डाॅक्टरांनी सांगितले.

गेल्या चार दिवसांपासून डॉक्टर आमरण उपोषणावर –

डॉक्टर्स पश्चिम बंगालच्या जॉइंट फोरमने आर जी कार हॉस्पिटलच्या महिला डॉक्टरच्या बलात्कार आणि हत्येसाठी न्याय आणि भ्रष्टाचाराने ग्रस्त आरोग्य सेवा व्यवस्थेचा अंत करण्याची मागणी करणाऱ्या कनिष्ठ डॉक्टरांसोबत एकजुटीचे वचन दिले आहे. आपल्या मागण्यांसाठी गेल्या चार दिवसांपासून कनिष्ठ डॉक्टर आमरण उपोषणाला बसले आहेत.