Kolkata Rape Murder Case । कोलकाता उच्च न्यायालयात आज  आरजी कार मेडिकल कॉलेज आणि हॉस्पिटलमध्ये महिला डॉक्टरवर झालेल्या अत्याचाराच्या घटनेवर सुनावणी झाली. सरन्यायाधीश टीएस शिवगननम आणि न्यायमूर्ती एच भट्टाचार्य यांच्या खंडपीठासमोर या प्रकरणाची सुनावणी झाली. यादरम्यान, राज्य सरकारने न्यायालयाला सांगितले की, “यापूर्वीच्या आदेशानुसार अहवाल तयार केला आहे”. त्यावर न्यायालयाने, “तुम्ही ते तुमच्याकडे ठेवा कारण सर्वोच्च न्यायालयाने या प्रकरणाची दखल घेतली आहे.” म्हटले.

सुनावणीदरम्यान सरकारतर्फे उपस्थित असलेल्या वकिलांनी, “सर्वोच्च न्यायालयाच्या आदेशानुसार रुग्णालयाची सुरक्षा सीआयएसएफकडे सोपवण्यात आली आहे.” त्याचवेळी पीडितेची ओळख उघड होत असल्याबद्दल न्यायालयाने चिंता व्यक्त केली आहे. या प्रकरणाची पुढील सुनावणी आता ४ सप्टेंबर रोजी होणार आहे.

‘आम्हाला वाट पाहावी लागेल’ Kolkata Rape Murder Case । 

सुनावणीदरम्यान उच्च न्यायालयाने,’न्यायिक शिस्तीची वाट पाहावी लागेल. सर्वोच्च न्यायालयाने या सर्व प्रकरणांची दखल घेतली आहे. सीआयएसएफच्या नियुक्तीकडे लक्ष देण्यात आले असून सीबीआय आणि राज्य सरकार 22 ऑगस्टपर्यंत अहवाल देईल.” असे म्हटले आहे.

‘पीडितेची ओळख उघड करू नये’ Kolkata Rape Murder Case । 

पीडितेची ओळख उघड झाल्याबद्दल चिंता व्यक्त करत उच्च न्यायालय  म्हणाले, ‘आम्ही आमच्या मागील आदेशात छायाचित्रे अपलोड करू नयेत अशी विनंती केली होती. सर्वोच्च न्यायालयाने दिलेला निकाल पाहिल्यास, पीडितेची ओळख उघड करू नये, अशी सकारात्मक दिशा आहे. ज्यावर याचिकाकर्त्याच्या वकिलाने सांगितले की, “दुर्दैवाने पीडितेच्या मित्रांकडे जुने फोटो आहेत आणि ते तेच प्रसारित करत आहेत.”

उच्च न्यायालय पुढे म्हणाले, ‘आम्ही पीडित मुलींच्या पालकांची नावेही लपवली आहेत. तुम्ही त्याचा उल्लेख केला नाही. याचिकाकर्त्याच्या वकिलाने सांगितले की, ‘एक गोष्ट केली जाऊ शकते ती म्हणजे पीडित आणि कुटुंबाची ओळख उघड होणार नाही याची खात्री करण्यासाठी न्यायालय सर्व माध्यमांना विनंती करू शकते.’ ज्यावर कोर्टाने सांगितले की ते तेच करतील.