दिग्दर्शक नीरज पांडे ‘खाकी: द बंगाल चॅप्टर’ ही वेबसिरीज घेऊन येत आहे. या वेबसिरीजचा धमाकेदार ट्रेलर नुकताच रिलीज झाला आहे. ट्रेलरला प्रेक्षकांची चांगली पसंती मिळत आहे. अडीच मिनिटांच्या ट्रेलरमध्ये खून, गुन्हेगारी, भ्रष्टाचार आदी गोष्टी दाखवण्यात आल्या आहेत. कोलकतामध्ये २००० साली उफाळून आलेली गुन्हेगारी आणि पोलिसांनी त्यावेळी बजावलेली महत्वपूर्ण भूमिका यावर सिरीज आधारलेली आहे.

या वेबसिरीजमध्ये चित्रांगदा सिंगसोबत जीत मदनानी, प्रोसेनजीत चॅटर्जी, शाश्वत चॅटर्जी, परमब्रत चॅटर्जी यांच्या प्रमुख भूमिका आहेत. याशिवाय सिरीजमध्ये ऋत्विक भौमिक, आदिल जफर खान, पूजा चोप्रा, आकांक्षा सिंग, मिमोह चक्रवर्ती आणि श्रद्धा दास देखील दिसणार आहेत. यामुळे नव्या सिरीजची प्रेक्षकांना मोठी उत्सुकता आहे.

या वेबसिरीजमधील कथा कोलकातामध्ये 2000 सालीची गुन्हेगारी तसेच व्यवस्थेला पोकळ बनवणारा भ्रष्टाचार आणि कायद्याची अंमलबजावणी यांची सांगळ घालत एक रोमांचक कथा दाखविण्यात आली आहे. कोलकत्ता राज्यातील शांतता आणि न्यायासाठी समर्पित आयपीएस अधिकाऱ्याच्या लढ्यावर सिरीजमधील कथा आहे. गुंड आणि राजकारणी यांच्यातील गटबाजी शिगेला पोहोचलेली असताना बंगालचा काळ या कथेत दाखवण्यात आला आहे. त्याकाळात आयपीएस अर्जुन मैत्रा यांनी व्यवस्थेला आव्हान देण्याचे धाडस केले होते.

नीरज पांडेची ही वेबसिरीज 20 मार्च 2025 रोजी नेटफिल्क्स या ओटीटीवर रिलीज करण्यात येणार आहे. या सिरीजचा ट्रेलर रिलीज करताना नेटफ्लिक्स इंडियाने लिहिले आहे की, ‘पोलीस, गुंड आणि सरकार – या चक्रव्यूहात सर्वात वाईट कोण आहे? खाकी: द बंगाल चॅप्टर 20 मार्च रोजी पहा, फक्त नेटफ्लिक्सवर! या सिरीजचे दिग्दर्शन देबात्मा मंडळ आणि तुषार कांती रे यांनी केले आहे. शोचे निर्माते नीरज पांडे यांनी देबात्मा मंडळ आणि सम्राट चक्रवर्ती यांच्यासोबत कथा आणि पटकथा लिहिली आहे.