Pune News : कात्रज परिसरातील जांभुळवाडी येथे आज दुपारी सुमारे तीन वाजण्याच्या सुमारास एक थरारक घटना घडली. खेळत असताना सात वर्षांचा एक लहान मुलगा दोन भिंतींच्या अरुंद जागेमध्ये अडकला. (Pune News) मुलगा अडकल्याची माहिती मिळताच परिसरात एकच खळबळ उडाली.घटनेची वर्दी मिळताच पीएमआरडीए. महापालिका अग्निशमन दल आणि आपत्ती व्यवस्थापन दलाचे जवान तात्काळ घटनास्थळी दाखल झाले. (Pune News) परिस्थिती अत्यंत गंभीर असल्याने बचावकार्य आव्हानात्मक होते. मात्र, जवानांनी प्रसंगावधान राखत घन, बोल्ट कटर आणि हायड्रॉलिक ब्रेकर यांसारख्या अत्याधुनिक उपकरणांचा वापर करून भिंतीचा काही भाग सावधपणे फोडला. (Pune News) काही वेळ चाललेल्या शर्थीच्या प्रयत्नांनंतर अखेर मुलाची सुखरूप सुटका करण्यात जवानांना यश आले. या वेळी उपस्थित नागरिकांनी सुटकेचा निश्वास टाकत जवानांच्या धाडसाचे आणि तत्परतेचे कौतुक केले. (Pune News) सुदैवाने या घटनेत मुलाला कोणतीही गंभीर दुखापत झाली नसून, वैद्यकीय तपासणीसाठी त्याला जवळच्या रुग्णालयात दाखल करण्यात आले आहे. या घटनेमुळे परिसरात काही काळ तणावाचे वातावरण निर्माण झाले होते, मात्र आपत्ती व्यवस्थापन दलाच्या जलद प्रतिसादामुळे मोठा अनर्थ टळला आहे. (Pune News)
