Karthik Aryan : बॉलिवूड अभिनेता कार्तिक आर्यन याने यंदा कामाच्या व्यस्त वेळापत्रकातूनही भाऊबीजेचा सण खास पद्धतीने साजरा केला. चित्रपटाच्या शूटिंगमध्ये व्यस्त असलेल्या कार्तिकला भाऊबीजेच्या निमित्ताने एक खास सरप्राइज मिळालं. त्याची बहीण डॉ. कृतिका तिवारी थेट शूटिंग सेटवर त्याला भेटण्यासाठी पोहोचली.

यावेळी दोघांनी सेटवरच भाऊबीज साजरी केली. या खास क्षणांचे सुंदर फोटो कार्तिकने इन्स्टाग्रामवर शेअर केले असून, चाहत्यांकडून त्यावर लाइक्स आणि कमेंट्सचा वर्षाव होत आहे.

कार्तिकने शेअर केलेल्या फोटोंमध्ये भाऊ-बहीण एकत्र सेल्फी काढताना दिसत आहेत. तर एका फोटोमध्ये कृतिका आपल्या भावाला आशीर्वाद देताना दिसते. या फोटोंमधून दोघांमधील खास नात्याची आणि प्रेमाची झलक पाहायला मिळत आहे.

फोटो शेअर करताना कार्तिकने मजेशीर कॅप्शन लिहिलं आहे. ‘तू गिफ्ट घेण्यासाठी शूटवर आलीस, भाऊबीजेच्या हार्दिक शुभेच्छा!’ असं त्यानं म्हटले आहे. त्याच्या या पोस्टवर बहीण कृतिकानेही कमेंट केली. ‘तू घरी परत आल्याचा मला खूप आनंद आहे,’ असं ती म्हणाली. यावर कार्तिकनेही प्रेमळ अंदाजात उत्तर दिलं. दोघांमधील हा संवाद चाहत्यांच्या विशेष पसंतीस उतरला आहे.

 

View this post on Instagram

 

A post shared by KARTIK AARYAN (@kartikaaryan)

‘कॅप्टन इंडिया’मध्ये दिसणार कार्तिकचा नवा अवतार

दरम्यान, कार्तिक आर्यन त्याच्या आगामी ‘कॅप्टन इंडिया’ या चित्रपटाच्या शूटिंगमध्ये व्यस्त आहे. या चित्रपटात तो एका वेगळ्या भूमिकेत दिसणार असून, त्याचा लूकही समोर आला आहे.

या चित्रपटाची निर्मिती टी-सीरीज, बावेजा स्टुडिओ आणि डोपामाइन स्टुडिओ यांच्या संयुक्त विद्यमाने केली जात आहे. याशिवाय कार्तिकच्या आगामी चित्रपटांमध्ये ‘नागझिला’ आणि दिग्दर्शक अनुराग बसू यांच्यासोबतचा एका नाव नसलेल्या रोमँटिक चित्रपटाचाही समावेश आहे.

Thackeray Family Bhau Beej : ठाकरे कुटुंबाकडून भाऊबीज एकत्र साजरा; खास क्षणांचे फोटो समोर…