Entertainment  । टीव्ही रिॲलिटी शो ‘बिग बॉस’मध्ये आत्तापर्यंत अनेक कपल्स बनत आहेत आणि तोडत आहेत. यामध्ये अनेकांनी त्यांचे नाते पुढे नेले तर काही काळ रिलेशनशिपमध्ये राहिल्यानंतर अनेकांचे ब्रेकअप झाले. अशात  ‘बिग बॉस’ घरात बनलेलं कपल आणि  टीव्हीचे लोकप्रिय जोडपे करण कुंद्रा आणि तेजस्वी प्रकाश आहेत. इंडस्ट्रीतील क्यूट कपल्सच्या यादीत दोघांचाही समावेश आहे. अशात त्यांच्या ब्रेकअपच्या बातमीने चाहत्यांना धक्का बसला आहे. लोक त्यांच्या लग्नाची वाट पाहत असताना ब्रेकअपची बातमी त्यांच्यासाठी धक्क्यापेक्षा कमी नाही.

करण कुंद्रा आणि तेजस्वी प्रकाश ‘बिग बॉस 15’ च्या सेटवर एकमेकांना भेटले आणि इथेच ते जवळ आले. शो संपल्यानंतर दोघांनी एकत्र येण्याची घोषणा केली होती. तेव्हापासून हे कपल त्यांच्या रोमान्समुळे चर्चेत आहे. त्यांच्यातील अप्रतिम केमिस्ट्री अनेकदा रील आणि रिअलमध्ये पाहायला मिळते. पण आता त्यांच्या नात्यात काही ठीक नसल्याची बातमी आहे. सोशल मीडियावर समोर आलेल्या एका पोस्टमध्ये असा दावा केला जात आहे की, दोघांनी वेगळे होण्याचा निर्णय घेतला आहे

करण कुंद्रा आणि तेजस्वी प्रकाशच्या ब्रेकअपच्या पोस्टवर लोकांनी तीव्र प्रतिक्रिया दिल्या आहेत. ‘बिग बॉस’मध्ये तयार झालेल्या जोडप्यावर पुन्हा एकदा प्रश्न उपस्थित झाला आहे की इथले नाते टिकत नाही. त्याचबरोबर काही लोकांनी असा दावाही केला आहे की, या जोडप्याच्या नात्यात कोणतीही अडचण नसून सर्व काही ठीक चालले आहे. अशा संमिश्र प्रतिक्रिया ब्रेकअपच्या चर्चांवर येत आहे.