Shooting at kapil Sharma’s cafe : प्रसिद्ध कॉमेडियन कपिल शर्माच्या कॅनडातील ‘कॅप्स कॅफे’ या नव्या रेस्टॉरंटवर बुधवारी मध्यरात्री अंधाधुंद गोळीबार झाल्याची धक्कादायक घटना घडली. या घटनेमुळे एकच खळबळ उडाली आहे. या घटनेचा व्हिडीओ देखील समोर आला आहे. राष्ट्रीय तपास यंत्रणेचा (एनआयए) मोस्ट वॉन्टेड दहशतवादी आणि बब्बर खालसा इंटरनेशनल (बीकेआय) शी संबंधित हरजीत सिंह लड्डी याने या हल्ल्याची जबाबदारी स्वीकारली आहे. पोलिसांनी परिसर सील करून तपास सुरू केला आहे. व्हिडिओत एक व्यक्ती रात्रीच्या वेळी कारमधून उतरून कॅफेच्या खिडक्यांवर अंधाधुंद गोळीबार करताना दिसत आहे. सूत्रांनुसार, हरजीत सिंह लड्डीने कपिल शर्मा यांच्या काही जुन्या वक्तव्यांच्या आधारावर हा हल्ला घडवल्याचा दावा केला आहे. या प्रकरणाचा तपास तीव्रतेने सुरू असून, पोलिस लवकरच आरोपींपर्यंत पोहोचतील, अशी अपेक्षा व्यक्त केली जात आहे. भारताच्या एनआयएचा मोस्ट वॅान्टेड दहशतवादी मात्र, कपिल शर्मा किंवा त्यांच्या टीमकडून याबाबत अद्याप कोणतेही अधिकृत वक्तव्य आलेले नाही. पोलिसांनी दिलेल्या माहितीनुसार, कॅफेवर अनेक राउंड्स गोळीबार झाला. कॅफेच्या बाहेरील भागासह आजूबाजूच्या इमारतींवरही गोळ्यांचे निशान आढळले आहेत. आता हरजीत सिंह लड्डी या भारताच्या एनआयएचा मोस्ट वॅान्टेड दहशतादी असल्याची माहिती समोर आली आहे. आतापर्यंत अनेक ठिकाणी हल्ले हरजीत सिंग एक कुख्यात दहशतवादी आहे. तो भारताच्या एनआयएचा मोस्ट वॉन्टेड दहशतवादी असून, त्याने आतापर्यंत अनेक ठिकाणी हल्ले केले आहेत. त्याचा बब्बर खालसा इंटरनेशनल या खालिस्तानी दहशतवादी संघटनेशी संबंध आहे. या हल्ल्याची जबाबदारी बब्बर खालसा इंटरनॅशनलने घेतली आहे. हरजीत हा मूळचा पंजाबमधील नवांशहरमधील गरपधाना गावचा रहिवासी आहे. खलिस्तानी संघटनेशी संबंधित दहशतवादी हरजीत सिंग उर्फ लड्डीने गोळीबार केल्याचा आरोप त्याच्यावर ठेवण्यात आला आहे. एप्रिल 2024 मध्ये राष्ट्रीय तपास यंत्रणेनं पंजाबमध्ये विहिंप नेते विकास प्रभाकर यांच्या हत्येप्रकरणी लाड्डीवर 10 लाख रुपयांचं रोख बक्षीस जाहीर करण्यात आलं होतं. कारवाया आणि निधीची जबाबदारी पाकिस्तानच्या गुप्तचर संस्थेशीही संबंध आहेत. तो पाकिस्तानस्थित बब्बर खालसा ग्रुपचा प्रमुख बब्बरसोबत काम करतो आणि जागतिक कारवाया आणि निधीची जबाबदारी त्याच्यावर आहे. हरजीत हा जर्मनीमध्ये राहतो आणि कॅनडा येथील सर्व घटना तोच घडवून आणतो, अशी माहिती देखील नवी माहिती समोर आली आहे. बब्बर खालासा दहशतवादी संघटना बब्बर खालसा ही एक इंटरनॅशलन दहशतवादी संघटना असून, याची स्थापना १९७८ मध्ये करण्यात आली होती. या संघटनेचा १९८० आणि १९९० च्या दशकातील अनेक मोठ्या हल्ल्यांमध्ये सहभाग होता. या संघटनेला भारताव्यतिरिक्त, अमेरिका, कॅनडा, ब्रिटन आणि युरोपियन युनियनने या संघटनेला दहशतवादी संघटना म्हणून घोषित करण्यात आलं आहे. संघटनेचा प्रमुख बब्बर खालसा हा पाकिस्तानात राहतो आणि तेथूनच कारवाया करतो. त्याच्यावर अनेक गंभीर आरोप ठेवण्यात आले आहेत. हेही वाचा : “राजद हा लोकशाही पक्ष नाही, पण…” ; गिरीराज सिंह यांचा लालू अन् तेजस्वी यादवांवर हल्लाबोल
