Kantara Movie Advance Booking : अभिनेता आणि दिग्दर्शक ऋषभ शेट्टी याचा बहुप्रतिक्षित ‘कांतारा चॅप्टर १’ हा चित्रपट उद्या २ अॅाक्टोबर रोजी प्रदर्शित होत आहे. या चित्रपटाने प्रदर्शित होण्याअगोदरच नवा रेकॅार्ड रचला आहे. खरंतर या चित्रपटाची क्रेझ ज्यावेळी कांताराचा पहिला भाग आला तेव्हापासून आहे. दुसऱ्या भागाची घोषणा झाल्यानंतर अखेर कांतारा चॅप्टर १ रिलीजसाठी सज्ज आहे.

हा कांताराचा प्रीक्वल असणार आहे. रिलीजच्या अगोरच अॅडव्हॅान्स बुकिंगमध्ये चित्रपटाने लाखोंची तिकीटं सील केली आहेत. यामुळे चित्रपटाने या वर्षातल्या अनेक मोठ्या चित्रपटांचे रचलेले रेकॉर्ड मोडले आहेत. कांतारा चॅप्टर 1 चा ट्रेलर सोशल मीडियावर चांगलाच ट्रेंड करत आहे. चित्रपटाची क्रेझ मोठ्या प्रमाणात असून उद्या चित्रपटगृहात प्रेक्षक तुफान गर्दी करणार असल्याचे दिसत आहे.

सॅकनिल्कच्या रिपोर्टनुसार, ‘कांतारा चॅप्टर 1’नं अॅडव्हान्स बुकिंगनं 17.62 कोटींची कमाई केली आहे. ब्लॉक सीट्ससह, चित्रपटाने आतापर्यंत 3.71 लाख तिकिटं विकली आहेत. 2 ऑक्टोबरच्या सुट्टीमुळे ‘कांतारा चॅप्टर 1’ला मोठा फायदा होणार आहे. जॉली एलएलबी 3’12.5 कोटी, ‘बागी 4 13.2 कोटी, जाट 9.62 कोटी आणि ‘स्काय फोर्स’ 15.30 कोटी यांसारख्या चित्रपटांचे रेकॉर्ड मागे टाकले आहेत. यामुळे कांतारा रिलीज होण्यापूर्वीच चर्चेत आहे.

दरम्यान, ‘कांतारा चॅप्टर 1’ चित्रपटाचे दिग्दर्शन ऋषभ शेट्टी याने केले असून तोच या चित्रपटात मुख्य अभिनेता आहे. या चित्रपटात अनेक नवे कलाकार पहायला मिळणार असून अभिनेत्री रुक्मिणी वसंत आणि बॅालिवूड अभिनेता गुलशन दैवय्याने यांच्या प्रमुख भूमिका आहेत. यामुळे अॅडव्हान्स बुकिंगवरुन चित्रपटाच्या पहिल्या दिवसाचे कलेक्शन जबरदस्त असणार यात काही शंकाच नाही.

हेही वाचा : “अनेक गावठी कुत्र्यांना तुडवत तुडवत मी इथंपर्यंत आलोय…”; तंबी देऊनही गोपीचंद पडळकरांचे पुन्हा एकदा वादग्रस्त विधान