मुंबई – भारतीय कन्नड चित्रपट ‘कंतारा’ला जगभरात पसंती मिळाली आहे. कमी बजेटमध्ये बनलेल्या या चित्रपटाने बॉक्स ऑफिसवर 500 कोटींहून अधिकचा व्यवसाय केला. या चित्रपटाचा मुख्य अभिनेता ऋषभ शेट्टी या चित्रपटाच्या यशानंतर सतत चर्चेत असतो. ऋषभ शेट्टीने ‘कंतारा’चे दिग्दर्शनही केले असून, त्याची जगभरात प्रशंसा झाली आहे. दरम्यान, सोशल मीडियावर ऋषभ शेट्टी लवकरच राजकारणात प्रवेश करणार असून पक्षाचा प्रमुख चेहरा बनणार असल्याची बातमी वेगाने पसरत आहे. खुद्द ऋषभ शेट्टीने या बातम्यांची सत्यता त्याच्या चाहत्यांना सांगितली आहे. सोशल मीडियावर अनेक मीडिया हाऊसमधून ही बातमी शेअर करण्यात आली होती की लवकरच ‘कंतारा’ फेम ऋषभ शेट्टी राजकारणात प्रवेश करत आहे. या बातमीचे सत्य सांगताना ऋषभ शेट्टीने हे सर्व खोटे असल्याचे म्हटले आहे. ऋषभ शेट्टी म्हणाले की, ही खोटी बातमी आहे. मी कधीही राजकारणात जाणार नाही. ऋषभ शेट्टी पुढे म्हणाला की, राजकारणात त्याला त्याच्या चाहत्यांच्या पाठिंब्याची गरज नाही. तुम्ही माझ्या चित्रपटांना सपोर्ट करा, ते पुरेसे आहे.
