Kangana Ranaut : भाजप खासदार कंगना रणौत आणि बाबा रामदेव यांच्यातील शाब्दिक युद्ध थांबवण्याचे नाव घेत नाहीये. जेन झींचे आंदोलन संपल्यानंतर दोघांमध्ये शाब्दिक युद्ध सुरू झाले. ते अजूनही सुरूच आहे. योगगुरू बाबा रामदेव यांनी कंगनाच्या भूतकाळ आणि तारुण्याबाबत केलेल्या टीकेवर आता कंगनाने जोरदार प्रत्युत्तर दिले आहे.

नुकत्याच दिलेल्या एका मुलाखतीत कंगनाने रामदेव यांच्या वक्तव्यावर सवाल उपस्थित करत त्यांच्या योग आणि आयुर्वेदापासून व्यवसायाकडे वळण्याच्या भूमिकेवरही प्रश्नचिन्ह उपस्थित केले. “आयुर्वेद, औषधी वनस्पती आणि योगाला प्रोत्साहन मिळाल्यानंतर आता त्यांनी बनियन आणि अंतर्वस्त्रांच्या व्यवसायातही प्रवेश केला आहे. व्यावसायिक असण्यात काहीच गैर नाही, पण तुम्ही जे नाही, ते असल्याचे नाटक करू नका.” अशा शब्दांत कंगनाने बाबा रामदेव यांच्या टीकेचा समाचार घेतला.

मुलाखतीत कंगनाला विचारण्यात आले की, सनातन विचारधारेचे अनुयायी असलेले बाबा रामदेव तिचे विरोधक कसे बनले? या प्रश्नावर उत्तर देताना कंगनाने बाबा रामदेव यांच्यावर निशाणा साधला. व्यावसायिक हितसंबंधांमुळे ते सनातन तत्त्वज्ञानाच्या मूलभूत विचारांपासून दूर गेल्याचे मत तिने व्यक्त केले. कंगना म्हणाली, “जेव्हा माझी स्वदेशी चळवळ सुरू झाली, तेव्हा सरकारनेही मला मोठे प्रोत्साहन दिले होते. मात्र, मला वाटते की ते भांडवलशाहीच्या दिशेने खूप पुढे गेले आहेत.”

‘जनरेशन ऑफ द गटर’ वक्तव्यानंतर टीकेचे वॅार 

दरम्यान, कंगना आणि बाबा रामदेव यांच्यातील हा सार्वजनिक वाद कंगनाने ‘जनरेशन झेड’बाबत केलेल्या वादग्रस्त वक्तव्यानंतर अधिक तीव्र झाला आहे. तरुण आंदोलकांबाबत कंगनाने केलेल्या ‘जनरेशन ऑफ द गटर’ या वक्तव्यावर बाबा रामदेव यांनी तिच्यावर टीका केली होती. “त्यांची शैक्षणिक पात्रता काय? बालपण कसं होतं? तारुण्य कसं होतं? त्यांचा पूर्वीचा कारनामा काय होते? मला अशा लोकांबद्दल बोलायचं नाही.” अशी टीका बाबा रामदेव यांनी कंगनावर केली होती.

बेडरूमभोवती वटवाघळासारखे घिरट्या घालत होते का?

याच वक्तव्यांवर प्रतिक्रिया देताना कंगनाने बाबा रामदेव यांना थेट सवाल केला. ती म्हणाली, “बाबा रामदेव माझ्या बेडरूमभोवती वटवाघळासारखे घिरट्या घालत होते का? त्यांनी मला माझ्या तारुण्यात पाहिले का? त्यांनी नेमके काय पाहिले, हेच मला समजत नाही. त्यांनी काय पाहिले ते त्यांनी मला सांगावे.” अशा शब्दांत कंगनाने बाबा रामदेव यांच्यावर पलटवार केला. आता कंगनाच्या या टीकेवर बाबा रामदेव काय प्रत्युत्तर देतात हे पाहणे महत्वाचे असणार आहे.

Glowing Skin: सेलिब्रिटींसारखी ग्लोइंग स्किन हवीये? रोजच्या रुटीनमध्ये करा ‘या’ ७ सोप्या गोष्टी