कल्याण : काही दिवसांपूर्वी कल्याण पश्चिमेत राहणाऱ्या अखिलेश शुक्ला या परप्रांतियाने क्षुल्लक कारणांवरुन अभिजीत देशमुख यांना मारहाण केली होती. या मारहाणीनंतर परप्रांतीय विरुद्ध मराठी हा वाद उफाळून आला होता. यानंतर गृहविभागाने अखिलेश शुक्लावर कारवाई केली. या घटनेला 2-4 दिवस उलटत नाहीत तोवर कल्याणमधून अजून एक धक्कादायक घटना समोर आली आहे.

काय आहे नेमके प्रकरण?
चार वर्षाच्या मुलीशी अश्लील चाळे करणाऱ्याला जाब विचारण्यास एक महिला आपल्या शेजाऱ्याकडे गेली. पण तिच्याशी चर्चा न करता तिच्यासह तिच्या मराठी कुटुंबाला मारहाण करण्यात आली. उत्तम पांडे असे मारहाण करणाऱ्या इसमाचे नाव आहे. पांडे यांच्या पत्नीनकडून देखील या मराठी कुटुंबाला मारहाण करण्यात आली. यामुळे मराठी विरुद्ध परप्रांतीय हा वाद पुन्हा एकदा समोर आला आहे.

या मारहाणीमध्ये मराठी महिला आणि आईला गंभीर मार लागला आहे. तसेच तिचा पती जखमी झाला आहे. मराठी महिलेचा पती हा पोलीस कर्मचारी आहे. ही घटना सीसीटीव्हीत कैद झाली आहे. या प्रकरणी मानपाडा पोलीस ठाण्यात गुन्हा दाखल करण्यात आला असून पुढील तपास सुरु करण्यात आला आहे.